TOP
  • Home
  • Amawulire
  • Bobi Wine bamutaddeko akazito ku luyimba lwe yafulumizza

Bobi Wine bamutaddeko akazito ku luyimba lwe yafulumizza

Added 4th November 2017

GAVUMENTI etadde akazito ku luyimba lwa Bobi Wine (Robert Kyagulanyi) lwe yafulumizza nga lwogera ku mbeera y’ebyobufuzi eriwo mu ggwanga kasookedde kaweefube w’okuwakanya okukyusa mu Konsitityusoni etandikibwa.

 Mu vidiyo ya Bobi Wine alabika ng’ayambadde bw’ati.

Mu vidiyo ya Bobi Wine alabika ng’ayambadde bw’ati.

Oluyimba luno lwe yatuumye FREEDOM yalufulumizza ku ntandikwa ya wiiki eno era olwamaze okulukolera olutambi (vidiyo), n’alinnya ennyonyi n’agenda e South Afrika okuyimba mu bivvulu bina ebitegekeddwaayo.

Nga tannafuluma ggwanga, yalese abawagizi be batandise okulukuba n’okulusaasaanya ku mikutu gya yintaneeti, kyokka egimu ku mikutu gya TV ne leediyo gibadde gitandise okulukuba, abakungu okuva mu bitongole bya Gavumenti ne baluyimiriza nti bakyalwetegereza.

Emu ku ttivvi eyakedde okulukuba eggulo, yassiddwaako akazito obutaddamu kulukuba era ensonda mu poliisi zaategeezezza nti ne Bobi Wine bamulinze akomewo okuva e South Afrika bamuyite ku kitebe kya bambega ba poliisi e Kibuli bamukunye ku bigambo ebirumba Pulezidenti Museveni ne Gavumenti ya NRM bye yataddemu.

Eggulo ssentebe w’akakiiko akafuga ebiweerezebwa ku mpewo (UCC), Godfrey Mutabaazi yagambye nti bakyetegereza era bwe banaabifuna obulungi bagenda kuvaayo balangirire mu butongole kyokka n’akubiriza abayimbi okwewala okuyimba ennyimba ezikuma omuliro mu bantu.

Ebimu ku bikulu by’atadde mu luyimba luno, bye bifaananyi ebiraga engeri ebitongole bya Gavumenti ebikwasisa amateeka naddala poliisi gye bizze bitulugunya n’okukozesa amaanyi ku bakulembeze ne bannansi mu ngeri etesaana.

Ekimu ku bitundu kiraga loodi meeya Erias Lukwago ng’akwatiddwa bubi ebitundu by’ekyama ate n’abamu ku Bannakampala nga bakubwa n’okutikkibwa ku kabangali za poliisi mu ngeri etyoboola eddembe lyabwe.

Poliisi ezze eyimiriza omuyimbi Bobi Wine okuyimba mu bivvulu eby’enjawulo ng’egamba nti ayingizaamu ebyobufuzi era gye buvuddeko baamuyise e Kibuli ne bamukunya ku bye yayogerera mu kivvulu kye e Busaabala.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....