TOP

Abazadde basabiddwa okuwagira talanta z'abaana

Added 12th November 2017

Abazadde basabiddwa okuwagira talanta z'abaana

AKULIRA eby’enjigiriza mu ggombolola ye Lubaga, Phiona Arinaitwe asabye abasomesa okukomya okumalira abaana mu kusoma eby’ekibiina obudde obuwanvu wabula babayigirize n’ebintu ebirala beyongere okufuna obukugu.

Arinaitwe ategezezza nti amasomero singa gayigiriza abaana eby’emizannyo, okuyimba ssaako okuyiga okukuba ebivuga eby’enjawulo kiyinza okubayambako okufuna emikisa eri abasobola okubayamba okutumbula bye baba bayize.

Bino Arinaitwe abyogeredde ku ssomero lya Good times Kawaala  bw'abadde atikkira abayizi 180 ab’ekibiina kya Top class okuyingira mu pulayimale esooka.

Ayongedde n'asaba abasomesa okuwa ssente z’ebisale bye ssomero ekitiibwa nga basomesa ebyo byokka ebigasa abaana ssaako okukomya okubaleka bakyame mu mize emibi kibayambe okukula nga bamugaso.

Ono era akuutidde abazadde okufaayo okuwerera abaana baabwe baleme kubonaabona nga bakuze ekibaviirako okuyingira ebikolwa ebikyamu.

Ye omutandisi w’essomero lino, Ronald Mpagi ategezezza nti basobodde okusomesa abayizi ne bafuna ekyo kye beetaaga mu kusoma wabula n'ategeeza nti waliwo ebisomooza bingi omuli emisolo egibagerekebwako olumu egitataaganya enteekateeka z’essomero.

Ono ayongedde n'asaba minisitule y’ebyenjigiriza okuvaayo esomese amasomero ku “Homework” gwe baaganye okuwa abaana abali mu bibiina eby’awansi ky'agambye nti kino bwe kikolebwa kiyinza okugotaanya ensoma y’omwana.

Oluvannyuma abayizi abaatikkiddwa baasaze keeki eyagabuddwa abayizi abalala saako abazadde abetabye ku mukolo guno.

More From The Author

Emboozi z’omuwandiisi endala

Emboozi endala

Biden ne Trump

Trump apondoose; amagye gat...

AMAGYE ga Amerika n'ebitongole ebikessi bitandise okuwa Joe Biden ebyama oluvannyuma lwa Pulezidenti Donald Trump...

Sheikh Muzaata

Embeera ya Muzaata mu ddwaa...

OBULWADDE obuluma Sheikh Nuhu Muzaata Batte bwazze nga musujja okukkakkana ng'ali ku kitanda mu IHK Kampala. Assiddwa...

Minisita Kamuntu (wakati) n'abamu ku bammemba ba UPRS.

Minisita atongozza olukiiko...

Minisita w'ebyamateeka , Polof. Ephraim Kamuntu atongozza olukiiko olufuzi olw’ekibiina ekirwanirira eddembe ly’abayiiya...

Abataka nga bakwasa Museveni effumu n'omuggo.

Museveni alaze by'agenda ok...

PULEZIDENTI Museveni akkirizza okuwaayo ettaka okuli ekibira kya Nauyo- Bugema ekisangibwa mu kibuga kye Mbale...

Akabonero ka manvuuli aka NUP akagenda okukozesebwa aba NUP mu kulonda..jpg

Aba NUP beemulugunya olwa b...

AB'EKIBIINA kya National Unity Platform (NUP) balaze obwennyamivu olw'obutali bwenkanya obugenda mu maaso n'okubakolebwako...