TOP
  • Home
  • Amawulire
  • Omwana ayiye petulooli ku nju za kitaawe n'azookya

Omwana ayiye petulooli ku nju za kitaawe n'azookya

Added 16th November 2017

Omwana w’omugagga w’e Kamuli yeesuddemu akambayaaya n’amansira petulooli mu bisenge by’ennyumba za kitaawe ssatu n’azikoleezaako omuliro, ebintu bya bukadde ne bisirikka.

 Malevu (mu katono) n’abalala nga beetegereza ebintu ebyayidde.

Malevu (mu katono) n’abalala nga beetegereza ebintu ebyayidde.

Omwana w’omugagga w’e Kamuli yeesuddemu akambayaaya n’amansira petulooli mu bisenge by’ennyumba za kitaawe ssatu n’azikoleezaako omuliro, ebintu bya bukadde ne bisirikka.

Nga tannazookya yasoose n’aggya ssenga we, Jesica Kasuubo, 85 eyagongobala mu nnyumba emu n’amusuula ebweru, oluvannyuma n’aggaalawo enzigi n’akoleeza omuliro ku nnyumba ennene, effumbiro, ennyumba y’enkoko ne ‘Boys Quarter’ mw’abadde asula n’okusomera ebitabo.

Yalabye gukkutte bulungi n’atuula mu luggya n’atandika okwewaana nti amaanyi ga ‘illuminati’ ge gookezza emmaali ya kitaawe.

Bino byabaddewo ku makya ga Mmande, Paul Waiswa, mutabani w’omugagga Waiswa Malevu ow’e Bulangaire ku njegooyego z’ekibuga ky’e Kamuli bwe yayokezza ennyumba za kitaawe.

Malevu y’omu ku bagagga b’omu kibuga ky’e Kamuli ng’alina edduuka erisuubiza okuli ebikozesebwa mu kusoma (stationery) ku Adams Road.

Ono era agula n’okutunda ettaka n’amayumba, alina enju z’abapangisa n’ebirala. Waiswa yabazzizza kitaawe ng’agenze okukola ate nnyina, Aidha Timugiibwa yabadde mu nnimiro.

Ebyayidde kuliko entebe, sideboard, TV ennene,wuufa, ebitanda, eby’okwebikka, ssente ezitamanyiddwa n’ebirala.

Malevu eyabadde asobeddwa yagambye nti omwana ono yajjanjabibwako ku bulwadde bw’omutwe ne balowooza nti awonye.

Oluvannyuma yakwatiddwa, DPC w’e Kamuli Colins Kyasimire n’alagira bamutwaale e Butabika.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...