TOP
  • Home
  • Amawulire
  • Kasitoma gwentera okuguza amatooke abuze n'omwana wange

Kasitoma gwentera okuguza amatooke abuze n'omwana wange

Added 29th November 2017

Omukazi omusuubuzi w’amatooke mu katale k’e Kamuli akanene mu disitulikiti y’e Kamuli ali mu maziga oluvannyuma lwa kasitoma gw’abadde atera okuguza amatooke okubula n’omwana we ow’emyaka 10.

Nnaalongo Scovia Kubaza ng’annyonnyola ab’amawulire engeri omwana gye yamubbiddwaako.

Nnaalongo Scovia Kubaza ng’annyonnyola ab’amawulire engeri omwana gye yamubbiddwaako.

Bya TOM  GWEBAYANGA

Nnaalongo Kubaza Scovia, 38 , ow’omu zooni y’e Bunangwe mu kibuga ky’e Kamuli y’asobeddwa eka ne mu kibira oluvannyuma lw’omukazi abadde kasitoma owaabulijjo okubula ne muwala we, Sylivia Mugala asoma mu P3.

Bino byabaddewo ku Lwokubiri emisana, omukyala atamanyiddwa na mannya ge bwe yabbye omwana ono, Poliisi  n’abatuuze ne batandikirawo omuyiggo.

Kubaza yannyonnyodde nti omukazi ono abadde Munyankole era nga kumpi buli lunaku amugulako amatooke ga 5,000/- n’omusobyo, nga n’abaana baamumanyiira.

Kuluno yaguze ga 6,000/-, ge yamuwaatidde n’agamuteekera mu kaveera, olwo n’alagira Mugala amuwerekereko, kyokka abagenze ku ssaawa 7 ez’emisana zaatuuse 1:00 ey’akawungeezi ng’omwana tannakomawo.

Omutima gwatandise okumutundugga n’aggwaamu essuubi, ekyamuwalirizza okutema emiranga egyasombedde abantu ne batandika okunoonya omwana.

Nnaalongo yattutte alipoota ku Poliisi nabo batandika omuyiggo okuzuula omwana gy'ali.

Nnaalongo Scovia Kubaza ng’annyonnyola ab’amawulire engeri omwana gye yamubbiddwaako.

More From The Author

Emboozi z’omuwandiisi endala

Emboozi endala

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...

Bannayuganda muve mu tulo -...

PULEZIDENTI Museveni akunze Bannayuganda okuva mu ttulo bataandike okusala amagezi g’okunoonya obuggagga n’asaba...

Gavana Mutebile

COVID19 ayigirizza Bannayug...

GAVANA wa bbanka enkulu Tumusiime Mutebile agambye nti Bannayuganda bagenda kukendeeza ku kumala gasasaanya nsimbi...

Nunda yeesize Katonda ku ky...

JACKSON Nunda olukutudde ddiiru ne URA FC n’asuubiza okuddamu okwaka nga bwe yali nga tannafuna buvune mu KCCA...