TOP

Atemye kojjaawe n'amutta lwa ssente 300,000/-

Added 1st December 2017

OMUVUBUKA awuniikirizza ekyalo bw’akkakkanye ku kkojjaawe n’amutema embazzi emwasizza omutwe olw’okugaana okumuwa ssente 300,000/- ne pikipiki.

 Peter Katongole. Ku ddyo ye John Ssemuju eyasse kkojjaawe. EBIFAANANYI BYA FLORENCE TUMUPENDE

Peter Katongole. Ku ddyo ye John Ssemuju eyasse kkojjaawe. EBIFAANANYI BYA FLORENCE TUMUPENDE

Ettemu lino libadde Kyassonko mu ggombolola y’e Kisekka mu disitulikiti y’e Lwengo, John Ssemujju 20 bw’atemye kojjaawe Peter Katongole 35, olw’okugaana okumuwa ssente ze yatunze mu mmwaanyi.

TAATA W’OMUGENZI AYOGEDDE

“Mbadde sisuubira nti muzzukulu wange ayinza okukola ekikolwa kino kuba mutabani wange ye yamuweerera okuva mu P1 okutuuka mu S4 n’amunoonyeza n’omulimu.

Yagasseeko nti, “Ssemujju abadde muntumulamu kyokka obulumi bw’andekedde bw’amaanyi simanyi abaana bwe bajja okusobola okusoma w’atali.

Owooluganda ng'abudaabuda omu ku bamulekwa

Ekinnuma ne nnyaabwe ye yasooka okufa eyandibadde abalabirira. Nsaba omwana ono akangavvulwe ng’amateeka bwe galagira”.

MULEKWA ALOJJA

Angel Namuwulya yagambye nti, “Ssemujju yasaba taata amuwe ssente ne pikipiki nti alinako w’alaga era taata byonna n’abimuwa. Wabula olwali okusimbula nayogera nti mu bbanga eritali ly’ewala alina okufuna pikipiki.

Kino kyasanyusa taata n’amubuuza nti bakwongezza omusaala? Yamuddamu kimu nti okunnyongeza omusaala! N’atambula n’agenda kati bugenze okukya ttaata nga mufu.

Omukungubazi ng'alaga pikipiki y'omugenzi gye baasuzizza omutemu

Abatuuze nga bakulembeddwa kansala Mande Kikomeko ne William Kibirige abaatuute omugenzi mu ddwaaliro bategeezeza nti yababuulidde nga tannafa nti Ssemujju atutte pikipiki ne 300,000/- n’amutema.

Akulira bambega Ester Akware n’abatuuze baasanze Ssemujju mu nsiko ne bamukwata.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...