TOP

Museveni ayogedde ku by'okukyusa Konsitityusoni

Added 6th December 2017

PULEZIDENTI Museveni agambye nti akawaayiro akassa ekkomo ku myaka gy’abaagala ebifo by’obukulembeze katyoboola akalala akawa abantu obuyinza n’eddembe ery’okwerondera omukulembeze gwe baagala.

Pulezidenti  Museveni ng'annyonnyola akakiiko ka Palamenti ak’ensonga z’ebyamateeka akamutuukiridde mu maka ge Ntebe okumubuuza ku by’okuggyawo ekkomo ku myaka gya Pulezidenti.

Pulezidenti Museveni ng'annyonnyola akakiiko ka Palamenti ak’ensonga z’ebyamateeka akamutuukiridde mu maka ge Ntebe okumubuuza ku by’okuggyawo ekkomo ku myaka gya Pulezidenti.

Museveni agamba nti akawaayiro akassa ekkomo ku myaka kakontana ne kannewaako akagamba nti obuyinza buli bantu era ne balina okwesalirawo ku nsonga ezitali zimu omuli n’okwerondera omukulembeze gwe baagala.

Agambye nti abantu basaanye balekerwe obuyinza buno balondenga abakulembeze mu kulonda okutegekebwa buli bbanga eggere.

‘’Oba omuntu alonda lwaki talondebwa,’’ Museveni bw'agambye akakiiko ka Palamenti ak’ensonga z’ebyamateeka akamutuukiridde mu maka ge e Ntebe okumubuuza ku by’okuggyawo ekkomo ku myaka gya Pulezidenti.

Konsityusoni egamba nti ayagala Obwapulezidenti alina kuba wakati w’emyaka 35 ne 75. Era bwe kaba tekaggyiddwaamu, Pulezidenti Museveni alina emyaka 73 aba tasobola kuddamu kukulembera ggwanga lino mu 2021.

Palamenti eri mu kukung’anya birowoozo ku bbago ly’etteeka eryaleetebwa omubaka Raphael Magyezi ng’ayagala akawaayiro kano kaggyibwemu.

Ssentebe w’akakiiko kano, Oboth Oboth (West Budama South) agamba nti Pulezidenti Museveni baamutukiridde mu bukulu bwe ng’akulira NRM ate eyeesimbawo ku Bwapulezidenti.

Rt. Col. Dr. Kiiza Warren Kifefe Besigye naye eyaakeesimba ku Bwapulezidenti enfunda eziwera teyagenda mu kakiiko kano.

Kyokka Oboth Oboth agambye nti Pulezidenti Museveni ye mujulizi asembyewo okuwa ebirowoozo mu kakiiko.

Museveni  agambye nti amawanga mangi okuli; Amerika, China, Russia ne Yisirayiri baakulemberwako abantu abakadde we gaabeerera mu kaweefube w’okwekulaakulanya.

Annyonnyodde nti e Tunusia omukulembeze ow’emyaka 91 Beji Caid Essebsi yalondebwa okutereeza eggwanga lino nga litaaguddwataguddwa.

More From The Author

Emboozi z’omuwandiisi endala

Emboozi endala

Abamu ku Badiventi nga balaga ekkanisa yaabwe eyamenyeddwa.

Bamenye ekkanisa y'Abadiventi

ABAADIVENTI balaajanidde gavumenti n'ekitongole ky'ebyokwerinda kinoonyereze ku baamenye ekkanisa yaabwe. Ekkanisa...

Omubaka Ssebunya (akutte akazindaalo). M katono ye Nanteza

Nnamwandu wa Kibirige Ssebu...

OMUBAKA Kasule Sebunya owa Munisipaali ya Nansana agumizza Abalokole muka kitaawe be yagabira ettaka ng'akyali...

Omubaka Zziwa (ku kkono) ng’ayogera eri abakungubazi mu kusabira omwoyo gwa nnyina mu katono.

Batenderezza maama wa Marga...

BANNADDIINI batenderezza omukwano Josephine Mugerwa 76, Maama wa Margaret Zziwa Babu gw'abadde nagwo ne basaba...

Katende

Eyakubiddwa akakebe ka ttiy...

ABOOLUGANDA lw'omusuubuzi mu katale ka St. Balikuddembe eyakubiddwa akakebe ka ttiyaggaasi mu Kampala mu kwekalakaasa...

Ssegirinya atenda Nalufeenya

Ssegirinya yandyesonyiwa ''Struggle'' ! sikuntenda gyatendamu Nalufeenya.