TOP

Asobezza ku bbebi n'amusaddaaka

Added 9th December 2017

Paul Ssemanda omutuuze w’e Kyamuwanga mu Ggombolola y’e Maddu mu Gomba yabazizza Harriet Nandawula ng’agenze ku dduuka n’abba omwana we n’amusobyako oluvannyuma n’amusala obulago n’alembeka omusaayi.

Ssemanda nga gamumyuse

Ssemanda nga gamumyuse

KU Ntandikwa ya wiiki eno, abatemu baayingidde mu maka g’omutuuze omu Kaija e Kulambiro mu Kampala ne basiba hawusigaalo ne bayingira mu kisenge ne batuga bbebi wa myezi 11 omulambo ne baguleka awo, ate omusajja omulala abbye bbebi wa myezi munaana mu buliri nnyina gye yabadde amuzazise n’amusobyako oluvannyuma n’amusaddaaka n’alembeka omusaayi n’agutwala.

Paul Ssemanda omutuuze w’e Kyamuwanga mu Ggombolola y’e Maddu mu Gomba yabazizza Harriet Nandawula ng’agenze ku dduuka n’abba omwana we n’amusobyako oluvannyuma n’amusala obulago n’alembeka omusaayi.

Ssemanda abadde yava Bukomansimbi nga yeefuula eyajja okupakasa.

Olwabbye omwana mu buliri n’amutwala mu nsiko gye yamusalidde obulago kyokka agenda okwekebera ng’essimu ye agyerabidde ewa Nandawula olwo naddayo okuginona.

Yasanze bagiggyeewo dda ne bagitwala ewa ssentebe w’ekyalo Mikayiri Byakatonda era olwamulabye ng’agezaako okuyingira mu nnyumba n’adduka wabula abatuuze ne bamutaayiza ne bamukwata.

Ssemanda nga baakamukwata yabyegaanyi wabula essimu ye n’emuloopa nga waliwo abamukubira nga bamugamba nti, “Watugambye mu ssaawa bbiri ojja kuba ebintu obireese naye tukulinda tetukulaba.”

Kino kyasaanudde abatuuze ne batandika okukuba Ssemanda emiggo n’ensambaggere wabula poliisi y’e Maddu n’emutaasa ne bamuggalira. Wano abatuuze baakoze omuyiggo gw’omwana kyokka n’ababula.

Poliisi bwe yayongedde okumukunya, Ssemanda kwe kunnyonnyola omwana gye yamutadde era n’abatwalayo ne basanga nga yamusaze obulago n’okumufumita ebiso omulambo n’agusuula mu kiswa ekifulufu.

Yasoose kutegeeza poliisi nti waliwo eyamutuma omutwe gw’omwana omuwala kyokka oluvannyuma n’abyegaana ng’agamba nti waliwo ekizimu ekyamulinnye n’atta omwana.

Akulira okunoonyereza ku buzzi bw’emisango mu Gomba, Erias Bahiruka yagambye nti omukwate teyeegaanyi musango era bagenda kumuggulako musango gwa butemu kyokka n’eyamutuma anoonyerezebwe.

SSEMANDA YAPANGISA EMIZIGO ESATU E MADDU

Ssemanda abadde yaakamala emyezi mukaaga gyokka ng’asenze mu kabuga k’e Maddu.

Yasooka kupangisa emizigo egy’enjawulo esatu ekyataataaganyizza okunoonyereza kw’abatuuze nga gye bamusuubira si gye yatutte omwana.

Abatuuze bagamba nti omusajja ono yandiba nga yajja alina ekigendererwa ky’okusaddaaka omwana kuba abadde yeebuzaabuza nga kizibu okumanya awatuufu w’asula.

Bateebereza nti yandiba nga yamusaddaakidde mu muzigo ogumu gye yasoose okumukweka n’alembeka omusaayi oluvannyuma n’asuula omulambo mu kiswa.

More From The Author

Emboozi z’omuwandiisi endala

Emboozi endala

Ebiragiro by'akakiiko k'ama...

EBIRAGIRO by'akakiiko k'amasaza bitemyemu abaddukanya ttiimu ezenjawulo ng'abamu babiwagira ,ate ng'abalala bawera...

Aba akeedi bawanjagidde Gav...

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa...

Dr. Emmanuel Diini Kisembo eyaloopa omusango gw'ebyokulonda

Omusango ogwawaabirwa akaki...

KKOOTI enkulu etuula ku Kizimbe kya Twed Towers mu Kampala etandise okuwulira omusango ogwawaabirwa akakiiko k'ebyokulonda...

Omubaka Kato ekyenda bakizz...

OMUBAKA Kato Lubwama owa Lubaga South asulirira kusiibulwa oluvanyuma lw’ekyenda ekibadde kikuumirwa ebweru w’olubuto...

Kajoba azzeemu okukwatagana...

Ku wiikendi Vipers SC yawadde omutendesi Kiwanuka endagaano ya myaka ebiri okumyuka omutendesi Fred Kajoba ng’ono...