TOP
  • Home
  • Amawulire
  • Mu mboozi yaffe ey'omukenkufu Julius Nnyanzi leero tukuleetedde engeri gy'oyinza okugobamu ekiwalaata

Mu mboozi yaffe ey'omukenkufu Julius Nnyanzi leero tukuleetedde engeri gy'oyinza okugobamu ekiwalaata

Added 13th December 2017

Mu mboozi yaffe ey'omukenkufu Julius Nnyanzi leero tukuleetedde engeri gy'oyinza okugobamu ekiwalaata

 Julius Nyanzi owa Prof Bioresearch

Julius Nyanzi owa Prof Bioresearch

WIIKI ewedde nakulaze egimu ku migaso gy’ensogasoga, wabula gyo mingi era katwongereko. Mu mbeera y’okuyiiya ssente, ensogasoga osobola okugikolamu eddagala ly’engatto, eddagala lino liba ddungi kuba linnyiriza engatto ate ne zikuumibwa nga tezikosebwa musana. Abantu bamala ssente nga bagula eddagala eribayamba okukyusa langi z’enviiri naddala ennaku zino abafuna envi ate n’abo abalina ebiwalaata.

Wano osobola okukozesa ensogasoga n’okamulamu butto, wabula olina okuba ng’ozisiikidde ddala ne zibanga ezisiriira oluvannyuma n’olyoka ozikamulamu butto ono osobola okumugattamu akagiiko ka bbiya n’osiiga mu nviiri.

Butto aziyamba obutakutuka era Abalasita e Jamaica bazikozesa nnyo mu kukuza enviiri. Butto takoma ku nviiri zokka, wabula ku muntu alina enkyakya n’abawunya ebigere butto w’ensogasoga kasita omukozesa akuyamba obutabifuna. Kino Abajamaica be bakizuula nti buli lwe bakuza enviiri zifuna envi.

Bwe bazuula butto w’ensogasoga ne batandika okumukozesa. Osobola okumugatta ne bbiya oba amagi obyesiiga, tekola ddaayi, wabula aliikiriza enviiri envi ne zigenda. Omuntu nga tannaweza myaka 65 envi buba bulwadde era ensogasoga esobola okukuvumula.

Kyokka ku bakyala n’abaami abalina mugaba era ekuyamba, osiiga butto ku mugaba abule. Wabula ku muntu alwalalwala, osobola okunywa akagiiko kamu mu kikopo ky’amazzi ajja kukuyamba omubiri okuba nga gulwanyisa endwadde. Ku bantu abavuga mmotoka, ensogasoga butto waayo musiige ku lukoba lwa yingini ajja ku lukuuma nga lugumu.

Asobola n’okugumya enkoba ezisiba ebintu abalina eggaali ne pikipiki bye batera okukozesa. Ggwe alina ensawo ezirina eddiba erya ‘leza’, osobola okuteeka butto w’ensogasoga ku nsawo zino ajja kuzikuuma nga nnamu okumala ebbanga ddene kuba ne bw’eyakako omusana temala gafa. Ensogasoga esobola okuvaamu amafuta g’emmotoka.

Ggwe alina amanda, ssinga oteekamu ku nsogasoga ojja kukozesa amanda matono kubanga gaaka. Ate bano abagakola okuva mu kasasiro gajja kwaka. Omuntu alina akawoowo ng’oyagala okukeekuba kakusigaleko olunaku lulamba, sooka okuteeke mu woyiro w’ensogasoga n’oluvannyuma wesiige.

 Ensigo z’ensogasoga etuuse okukamulwamu butto.

Abantu abataagala ku kaddiwa basobola okukozesa ensogasoga, butto akuuuma olususu nga terufuna mangu nkanyanya. Abantu abakola ebizigo basaanye okutabulamu butto w’ensogasoga, ku baana abalina ebiguuna n’okwetakula ajja kubayamba bulungi.

Ssinga okwata ejjuba n’olimaanya, ebyoya biddako mangu kuba zirya ensogasoga. Ssinga omaanya enkoko ebyoya ojja kulaba ebbanga ly’eba eneemala nga tebinnamera. Ago ge maanyi g’ensogasoga. Asangibwa ku Equatorial Mall dduuka nnamba 152 mu Kampala. Mufune ku 0702061652 / 0779519652.

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...