TOP
  • Home
  • Amawulire
  • Kayihura akyusizza abakulira ebitongole bya poliisi

Kayihura akyusizza abakulira ebitongole bya poliisi

Added 18th December 2017

OMUDUUMIZI wa poliisi mu ggwanga, Gen. Kale Kayihura akoze enkyukakyuka mu baserikale mw’alondedde abakulira ebitongole mu poliisi abapya.

Mu kiwandiiko ekyafulumiziddwa poliisi nga December 15, 2017 nga kiriko omukono gwa Gen. Kayihura, abaserikale ba poliisi basatu baggyiddwa mu ofiisi mwe babadde ne basindikibwa okukulira ebitongole ebyenjawulo.

Mu nkyukakyuka zino, Gen. Kale Kayihura yalonze SCP Good Mwesigwa okukulira ekitongole ekikwasisa abaserikale empisa ekya ‘Professional Standards Unit’ (PSU) ng’ono yazze mu bigere bya SCP Joel Aguma awerennemba n’emisango mu kkooti y’amagye n’abaserikale abalala.

SCP Mwesigwa eyaggyiddwa mu kitongole ekivunaanyizibwa okugulira poliisi ebikozesebwa n’okuzimba, Gen Kayihura yamulagidde okusigala nga yeekenneenya emmundu.

Mu balala abaakyusiddwa kuriko CP Fenny Kyomukama ng’ono y’abadde avunaanyizibwa ku kitongole ekirwanyisa obubbi bw’ente ekya ‘Anti Stock Theft Unit’ (ASTU) n’asindikibwa okukulira sitoowa omuterekebwa ebintu ebitali bya bulijjo.

ACP Cohen Arinaitwe yaggyiddwa mu kitongole ekivunaanyizibwa ku bikwekweeto n’atwalibwa okukulira ekitongole ekirwanyisa obubbi bw’ente.

Gen. Kayihura yalagidde avunaanyizibwa ku nzirukanya y’emirimu mu poliisi, Hajji Moses Balimwoyo okulaba ng’abaserikale bava mu ofiisi mwe babadde bakolera bagende gy’abatumye okukolera emirimu mu bwangu.

More From The Author

Emboozi z’omuwandiisi endala

Emboozi endala

Nambooze ng'ayogera eri abavubuka ba People Power e Mukono ku NUP.

Nambooze yeekokkodde abamwe...

Nambooze yeegobyeko abamwekukuutirizaako mu kalulu olumala ne bajeema.

Engeri gy'ofuna mu nkoko z'...

ENKOKO z’amagi zirimu ssente mu kiseera kino, naddala ng’ozirabiridde obulungi ne zitandikira mu budde obutuufu...

Hajji Musa ng'annyonnyola

Enkoko z'ennyama 100, zikuk...

NGA buli omu asala entotto ku ngeri gy'asobola okuyingiza akasente mu nsawo okuyita mu mbeera y'ekirwadde kya Corona,...

Akulira  Tourism board Lilly Ajarova ng'ayogera ku by'obulimi

Akulira Uganda Tourism boar...

Akulira ekitongole kye byobulambuzi mu gwanga ekya Uganda tourism board Lilly Ajarova akubirizza abalimi mu gwanga...

Omubuulizi Moses Tumwebaze okuva ku St.Stephen’s ng’akwasibwa ebbaluwa.

Bannaddiini balaze engeri g...

BANNADDIINI basanyukidde ekya Pulezidenti Museveni okuggulawo amasinzizo ne balaga engeri gye bagenda okuluhhamyamu...