TOP
  • Home
  • Amawulire
  • Bp. Ssebaggala asabye ababaka ba palamenti beenenye olw'okuva ku birowoozo by'abalonzi

Bp. Ssebaggala asabye ababaka ba palamenti beenenye olw'okuva ku birowoozo by'abalonzi

Added 26th December 2017

Omulabirizi w’e Mukono, James William Ssebaggala asabye ababaka ba palamenti okudda ku mavi beenenye eri Katonda olw’okuva ku ndowooza z’abalonzi baabwe abaabalonda okugenda mu palamenti okubakiikirira ne basalawo okuwaayo endowooza ezaabwe ng’abantu.

 Bp. Ssebaggala ng'ayogera eri abakulisitaayo mu Lutikko e Mukono mu kusaba kwa ssekukkulu. (ekif. Henry Nsubuga)

Bp. Ssebaggala ng'ayogera eri abakulisitaayo mu Lutikko e Mukono mu kusaba kwa ssekukkulu. (ekif. Henry Nsubuga)

Bwe yabadde akulembeddemu okusaba okw’amazaalibwa ga Yesu ku Lutikko y’Abatukuvu Firipo ne Ndereya e Mukono, Bp. Ssebaggala yagambye nti si ku lw’ababaka bokka abakkirizza okukwata ku ssemateeka wabula n’abo abagaana ssinga kiba ng’abalonzi baabwe baali babatumye nti ssemateeka akwatibweko.

“Kikyamu okulonda ng’ogamba nti ku lw’abantu be nkiikirira mu konsituwensi gundi ate ng’okimanyi eyo ndowooza yiyo nga muntu so.

Okulimba okwakoleddwa awo ababaka kye kiseera beekube mu kifuba beenenye nga n’omwaka guno tegunnaggwako,” SSebaggala bwe yannyonnyodde.

Ssebaggala era yennyamidde olw’engeri ababaka ba palamenti gye beeyisaamu etuuse n’okubambulako ekitiibwa ekibaweebwa eky’obwa honalebo.

Yagambye nti kikyamu omubaka okulinnya ku mmeeza mu palamenti sso ng’abalala baasalawo kwekuba butebe n’okukozesa ebyuma by’emizindaala okubyekubisa.

Omulabirizi era yalaze okunyolwa olw’engeri ensi gy’etambulamu ensangi zino omuli okulya enguzi nga gwafuuka musono ogutuuse n’okutongozebwa ebe ng’eriibwa kyere, obubbi, obulyake, obukenuzi n’emize emirala mingi.

Yanokoddeyo abavubi abakozesa obutwa okutta ebyennyanja n’abo abakozesa obutwa okukwata enseenene ne bamala ne babiguza abantu, abakinjaagi abakozesa eddagala erikubibwa mu mirambo erya vamalin okulikuba mu nnyama okusobola okugoba ensowera n’abakwata enseenene bano abakozesa eddagala ery’obutwa n’asaba ababadde beenyigira mu bikolwa ebyo beenenye badde eri omukama bave mu bikolwa ebyo.

Okusaba kuno kwetabiddwamu n’abantu bangi omubadde omwami wa Kabaka atwala essaza ly’e Kyaggwe, Alex Benjamin Kigiongo Kikonyogo, omulamuzi eyawummula Lameck Mukasa, eyali omuwanika wa Buganda, Eva Nagawa n’abalala bangi.

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...