TOP
  • Home
  • Amawulire
  • Museveni asiimye Fr. Bikwasizeki : 'Bannaddiini abalala mulabire kw'ono'

Museveni asiimye Fr. Bikwasizeki : 'Bannaddiini abalala mulabire kw'ono'

Added 3rd January 2018

PULEZIDENTI Museveni asinzidde mu mmisa y'olusooka omwaka mu kigo ky'e Rubindi mu ssaza Kashari n'asiima Fr. Felix Bikwasizeki okubeera omusajja omukozi era akolera enkulaakulana ng'asobodde okusitula ekigo kino n'Abakristu ate nga taboola bantu balala abatali Bakatoliki.

 Pulezidenti Museveni ne Fr. Bikwasizeki (ku kkono).

Pulezidenti Museveni ne Fr. Bikwasizeki (ku kkono).

Museveni yagambye nti, ye ng'omuntu yalaba Faaza nga mukozi era asobodde okukyusa n'emiruka egimuliraanye abantu ne bagoba obwavu.

Yamutenderezza okumaliriza Klezia y'e Rubindi ku bukadde bwa ssente 650 zokka kyokka ng'omulimu gwe gumu singa gubadde gukoleddwa Gavumenti gwandibadde mu buwumbi.

Yagambye nti kino kiva ku ngaba ya ttenda ne bongeramu ensimbi.

Yasiimye Fr. Bikwasizeki okukolera mu kifo ekitono n'ateekako emmwaanyi, olusuku n'okulundirako ente n'embizzi n'ategeeza nti, ono kyakulabirako era agenda kumuyamba okwongera amaanyi mu nkulaakulana.

Fr. Bikwasizeki yasabye obukuumi, emmotoka n'okuzimba Grotto ya Bikira Maria era Museveni n'asuubiza okumuyamba.

Museveni yasiimye n'omubaka Yaguma Rutashokwa (Kashari North) okubeera omugonvu mu NRM.

Fr. Bikwasizeki y'omu ku basitudde ebyenfuna mu miruka okuli Ngongo, Kibingo ne Mugarusha n'ategeeza nti, asiima byonna abakulembeze bye bamuwa naye yeetaaga okuyambibwa okulaba ng'essomero lyabwe lifunirwa ekizimbe mwe bagezesereza amasomo ga ssaayansi, n'abaserikale kubanga ababbi bangi.

Ekitambiro kya Mmisa kyayimbiddwa omuyambi wa Ssaabasumba w'essaza ery'e Mbarara Bp. Lambert Bainomugisha.

Museveni yawerekeddwaako mukyala we Jannet Museveni, muwalawe Natasha ne bba Edwin Karugire ne bazzukulu be. Ku mukolo gwe gumu kwe bagguliddewo klezia eno n'okugatta emigogo gy'abagole 134.

Abalala abeetabye mu Mmisa eno kwabaddeko ababaka Jovilin Karisa (mukazi Ibanda), Nathan Itungo (Kashari South) ne Ying. Charles Ngabirano (Rwampara).

More From The Author

Emboozi z’omuwandiisi endala

Emboozi endala

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...