TOP
  • Home
  • Amawulire
  • Abayizi 57,198 bayitidde mu ddaala erisooka: Baasinze kukola Byafaayo ne Ssaayansi

Abayizi 57,198 bayitidde mu ddaala erisooka: Baasinze kukola Byafaayo ne Ssaayansi

Added 12th January 2018

KU bayizi 571,198 abaayise ebya PLE, abayizi 57,198 baayitidde mu guleedi esooka nga bano baafunye obubonero obuli wakati wa 4 ne 12 era balino amasomero aga Ssiniya gagenda kubalwanira okubawa ebifo mu S1.

Minisita w'ebyenjigiriza n'emizannyo, Janet Kataaha Museveni ng'ayogera oluvannyuma lw'okufulumya ebyava mu bigezo bya PLE

Minisita w'ebyenjigiriza n'emizannyo, Janet Kataaha Museveni ng'ayogera oluvannyuma lw'okufulumya ebyava mu bigezo bya PLE

Kino kitegeeza nti ku buli bayizi 100 abaatudde PLE mu 2017, abayizi mwenda (9) bokka be baafunye guleedi esooka.

Odonga yategeezezza nti omuwendo gw’abayizi abaayitidde mu guleedi esooka ku luno gukendeddemu bw'ogeraageranya n’abaatuula PLE mu 2016 ng’a kw’olwo abaayitira mu guleedi esooka baali 63,400 nga bano baali abayizi ebitundu 10 ku 100.

Abayizi abaayitidde mu guleedi eyookubiri, Odongo yagambye nti bali 293,977 nga bano baafunye obubonero obuli wakati wa 13 ne 23 nga bano baasinze obungi ku baayitira mu Gguleedi eyokubiri mu PLE wa 2016 abaali 251,787.

Odonga yagambye nti  kino kitegeeza nti ku buli bayizi 100 abatuudde PLE abayizi ebitundu 46  baayitidde mu guleedi eyookubiri.

Abaayitidde mu guleedi eyookusatu  bali 128,573 nga bano baafunye obubonero wakatu wa 24 ne 29  nga bano baakendeddeko mu bungi ku baayitira mu guleedi eyookusatu mu 2016 abaali 129,252 guleedi eyookuna yayitiddemu abayizi 91,504 nga bano be bayizi abaafunye obubonero  obuli wakati wa 30 ne 34.

Abaayitira mu guleedi eyokuna mu PLE wa 2016 baali 81,2100.

Atwala Yudesi Primary School ng'ali n'abamu ku baana be abaatudde ebibuuzo bya PLE, asituddwa ye Humphrey Mulungi nga yafunye 4 mu bigezo bino.

BAASINZE KUYITA SST ne SSAYANSI

Nga Bukedde bwe  yabagambye  ng'ebibuuzo tebinnafulumizibwa, abayizi   baasinze kuyita amasomo ga; SST ne Ssaayansi.

Odongo yagambye nti SST  abayizi gwe baasinze okwegirisizzaamu nga baamuyise ne bakunakkuna  ne baddako Ssayansi.

Abayizi ebitundu 94.6 baayise SST ate abayizi ebitundu 88.3 ne bayita Ssaayansi.

Okubala n’Olungereza, abayizi tebaakuyise bulungi ng’abaayise Olungereza bali ebitundu 85.6 ate abaayise Okubala bali ebitundu 83.8 ku 100.

Lipoota ey'abaagolodde ebigezo bya PLE bino, yalaze nti abaana ab'omulundi guno  baalaze omutindo okusinga abazze batuula  mu myaka egiyise bukyanga PLE atandika kukolebwa mu Uganda.

"  Empandiika y'abaana erongoose nnyo ate ng'engeri gye baddamu ebibuuzo eraga nti  obwongo bwabwe busaza kimu," Lipoota y'abaagolodde ebigezo bwe yalaze.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....