TOP
  • Home
  • Amawulire
  • Kkooti kyaddaaki ezzeemu okuyimbula Senfuka ku musango gw'okutta Kaweesi

Kkooti kyaddaaki ezzeemu okuyimbula Senfuka ku musango gw'okutta Kaweesi

Added 24th January 2018

KKOOTI e Nakawa ezzeemu okuyimbula, Ahmada Shaban Senfuka omu ku basibe abali ku musango gw’okutta eyali omwogezi wa poliisi, Andrew Felix Kaweesi gwe yali yayimbula kyokka ebitongole byokwerinda ne bimukwatira ku Spear Motors ne bamutwala ng’ayambuddwa.

 Ahmada Shaban Senfuka (ku kkono) ng’agenda okulinnya pikipiki emujje ku kkooti e Nakawa oluvannyuma lw’okuyimbulwa okuva mu kkomera e Luzira (wakati) Geofrey Turyamusiima omu ku balooya be.

Ahmada Shaban Senfuka (ku kkono) ng’agenda okulinnya pikipiki emujje ku kkooti e Nakawa oluvannyuma lw’okuyimbulwa okuva mu kkomera e Luzira (wakati) Geofrey Turyamusiima omu ku balooya be.

Senfuka okuyimbulwa kiddiridde looya we, Anthony Wameli okuteekayo okusaba kwe mu kkooti y’omulamuzi, Noah Sajjabbi ng’awakanya ekya Senfuka okubeera ku limanda mu kkomera e Luzira okumala emyezi mukaaga kyokka oludda oluwaabi ne lulemererwa okuleeta obujulizi obulaga nti Senfuka ne banne 13 benyigira mu misango gy’obutemu n’obutujju egibavunaanibwa.

Nga January 9, 2018, Senfuka ne banne abalala basatu, omulamuzi Sajjabbi yabakkiriza okuyimbulwa okuva mu kkomera e Luzira n’abalagira okusasula 2,000,000/- ez’akakalu ka kkooti kyokka ne zibalemerera okusasula ne bazzibwayo mu kkomera e Luzira.

Ku Lwokuna lwa wiiki ewedde, Shaban Kasule, Taata wa Senfuka yasasudde ssente zino era ku Lwokubiri nga January 23, yaleese empapula eziraga nti ssente zino zisasuddwa era omulamuzi Sajjabbi n’azikakasa n’amukkiriza okuva mu kkomera gy’amaze emyezi mwenda naye n’amulagira okweyanjulanga ku poliisi esangibwa mu kitundu gy’abeera buli mwezi.

Senfuka olwayimbuddwa, yeebazizza abooluganda lwe abamulwaniridde okulaba ng’ava mu kkomera ne balooya be wabula yenna abadde atya era agendedde ku bodaboda ebadde emulinze.

Omulamuzi Sajjabbi ayongeddeyo omusango gy’obutemu okutuusa nga March, 6 2018 ate egy’obutujju n’obuyeekera giddamu nga February 6, 2018.

Wabula fayiro z’emisango gino tezibaddewo oluvannyuma lw’omuwaabi wa Gavumenti, Racheal Nabwire okutegeeza kkooti nga poliisi bwe yazitutte.

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.