TOP
  • Home
  • Amawulire
  • Museveni alagidde yunivasite n'amatendekero okutandika okusoma 'kkoosi' y'amafuta

Museveni alagidde yunivasite n'amatendekero okutandika okusoma 'kkoosi' y'amafuta

Added 24th January 2018

PULEZIDENTI Museveni awabudde amatendekero g’obwanannyini okutandikawo emisomo egyekuusa ku mafuta ng’agamba nti bajja kufunamu nnyo kuba abazadde ne gavumenti beetegefu okusindikayo abantu baabwe okukuguka mu misomo gino.

Abantu abasoba mu mitwalo 16 be basuubirwa okufuna emirimu egyekuusa ku mafuta okugasima n’okugalongoosa bwe kunaaba kutandise, okusinziira ku Minisita w’ebyamasannyalaze, Irene Muloni.

Bino babyogeredde mu Sheraton Hotel  mu Kampala mu lukung’ana lw’okulaba nga Bannayuganda tebalekebwa bbali mu by’amafuta olumanyiddwa   ‘skill and local content Forum’’.

Museveni agambye kino kijja kusinga eky’amakampuni g’amafuta okutandika okutendeka Bannayuganda  nga bwe babaggyako ssente.

Ayongeddeko nti abayizi bangi abasoma Ssayansi  era gavumenti kino yakirabuukirira n’etandika ettendereo ly’ebyamafuta e Kigumba.

” Abava mu ttendekero lino tebannafuna mirimu naye tekitweraliikiriza. Uganda ejja kukulaakulana amafuta ne bwe gatabaawo,’’ Museveni bw'agambye.

" Ebintu ebyekuusa ku mafuta tosobola kubissaamu baweesi b’e Katwe kuba bya bulabe bisobola okubatta era kye kiva kyetaagisa okutendeka abakugu," Pulezidenti Yoweri Kaguta Museveni bw'ayongeddeko.

Ye Minisita Muloni agambye nti abantu 167,000 be bajja okufuna emirimu egyekuusa ku mafuta nga pulojekiti etandise.

More From The Author

Emboozi z’omuwandiisi endala

Emboozi endala

Loodi Meeya Lukwago

Loodi Meeya yafunye 'alaje'...

Loodi Meeya yafunye ‘alaje' enkambwe. Okusinziira ku basawo ‘alaje' y'embeera y'omubiri okwecanga ssinga gussibwaamu...

Abapoliisi nga balawuna mu Kampala.

Okunoonyereza kulaze ebibul...

OKUYITA mu kunoonyereza kwa Vision Group etwala ne Bukedde, Bannayuganda balaze ebyokwerinda n’obutebenkevu bwe...

Nakibinge

Kasikonda amusse ayigga kalulu

KASIKONDA akutte eyeesimbyewo ng'anoonya akalulu n'aziyira. Amulumye okumala ennaku nnya ng'assiza ku byuma oluvannyuma...

Abasawo nga bassa omwana mu ‘incubator’

Bafunye ebyuma ebibikka abaana

OMUWENDO gw'abaana abafa nga tebannatuusa myezi 9 (kwe balina okuzaalibwa) mu disitulikiti y'e Kamuli, Buyende...

Katuukiro (owookubiri ku ddyo), Polof Kisambira (akutte akazindaalo) ne baminisita ba Busoga.

Kyabazinga akungubagidde Ntalo

KYABAZINGA wa Busoga William Wilberforce Nadiope IV akungubagidde Vincent Ntalo Kakete taata wa Katuukiro we, Dr....