TOP
  • Home
  • Amawulire
  • Bannayuganda Abakatoloki ababeera ebweru beebugira lunaku lwa Mapeera ne Amans

Bannayuganda Abakatoloki ababeera ebweru beebugira lunaku lwa Mapeera ne Amans

Added 31st January 2018

BANNAYUGANDA Abakatoliki abali e Bungereza bategeka kukuza lunaku, Abaminsani Amans ne Mapeera lwe baatuukirako mu Uganda okuleeta eddiini.

 Mpiima ng’ayogera mu lukiiko oluteekateeka emikolo gy’e Bungereza.

Mpiima ng’ayogera mu lukiiko oluteekateeka emikolo gy’e Bungereza.

Bannayuganda bano beegattira mu kibiina kya Uganda Croydon Catholic Community ekikulemberwa Robert Mpiima Mugambe.

Mu lukiiko lwe baatuuzizza ku Ssande okuttaanya enteekateeka z’okukuza olunaku luno, Mpiima yategeezezza nti Omutambizi omukulu ku lunaku luno agenda kubeera Bp. Paul Ssemwogerere owa Kasana - Luweero.

Olunaku bagenda kulukuza nga February 18, 2018 ku Klezia ya St. Chad Catholic Church, South Norwood (South East London) mu Bungereza.

Mpiima yategeezezza nti olunaku luno bayise Ssaabalabirizi owa York mu Bungereza era nga ye Munnayuganda eyasooka okulya ekifo ekyo Dr. John Sentamu naye abeewo.

Okuyimba ekitambiro kya Mmisa, Omusumba Ssemwogerere waakuyambibwako Abeepisikoopi abalala basatu, Bafaaza 28 n’Abasiisita bataano.

Bayise Omubaka wa Uganda e Bungereza, abakungu okuva mu bukulembeze obw’ensikirano nga mu Bwakabaka bwa Buganda, Tooro, Bunyoro ne Busoga.

Olukiiko lwe baatuuzizza mwe baasondedde ensimbi n’okuttaanya entegeka z’omukolo nga bwe zinaatambula.

Mpiima yeebazizza abo bonna abeenyigidde mu nteekateeka eno era n’abasaba okukolera awamu okulaba ng’emikolo gye bategese gitambula bulungi.

Abaminsani Amans ne Mapeera baatuuka e Kigungu – Ntebe mu Uganda nga February 18, 1879 era bagenda kuba bakuza emyaka 139 bukya baleeta eddiini y’Obukatoliki mu Uganda n’okwebaza Katonda olw’ebyo by’akoledde Bannayuganda.a

More From The Author

Emboozi z’omuwandiisi endala

Emboozi endala

Ebiragiro by'akakiiko k'ama...

EBIRAGIRO by'akakiiko k'amasaza bitemyemu abaddukanya ttiimu ezenjawulo ng'abamu babiwagira ,ate ng'abalala bawera...

Aba akeedi bawanjagidde Gav...

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa...

Dr. Emmanuel Diini Kisembo eyaloopa omusango gw'ebyokulonda

Omusango ogwawaabirwa akaki...

KKOOTI enkulu etuula ku Kizimbe kya Twed Towers mu Kampala etandise okuwulira omusango ogwawaabirwa akakiiko k'ebyokulonda...

Omubaka Kato ekyenda bakizz...

OMUBAKA Kato Lubwama owa Lubaga South asulirira kusiibulwa oluvanyuma lw’ekyenda ekibadde kikuumirwa ebweru w’olubuto...

Kajoba azzeemu okukwatagana...

Ku wiikendi Vipers SC yawadde omutendesi Kiwanuka endagaano ya myaka ebiri okumyuka omutendesi Fred Kajoba ng’ono...