TOP
  • Home
  • Amawulire
  • Kirumira Muhammad alekulidde Poliisi: Ateekateeka kwesimbawo ku ky'omubaka wa Palamenti

Kirumira Muhammad alekulidde Poliisi: Ateekateeka kwesimbawo ku ky'omubaka wa Palamenti

Added 31st January 2018

Okusinziira ku bubaka bw'atadde ku mukutu gwe ogwa Facebook, Kirumira agamba nti agasango agamujwetekebwako, gagenderedde kumunafuya na kumugobya mu Poliisi.

 Afande Kirumira

Afande Kirumira

ASP, Kirumira Muhammad alekulidde ekifo kye mu Poliisi ya Uganda.

Okusinziira ku bubaka bw'atadde ku mukutu gwe ogwa Facebook, Kirumira agamba nti agasango agamujwetekebwako, gagenderedde kumunafuya na kumugobya mu Poliisi.

Agamba nti aweerezza mu Polisi n'omutima gumu kyokka asiimiddwa na kuggulibwako misango gy'atamanyiiko mutwe na magulu, ekimuwalirizza okukoowa n'annyuka obuweereza bw'abadde yeenyumirizaamu n'omutima gwe gwonna, n'amaanyi ge gonna era n'obulamu bwe bwonna.

Bw'abuuziddwa Bukedde kiki ky'agenda okuzzaako ategeezezza nti ateekateeka kwenyigira mu byabufuzi era akalulu akanaddako agenda kwesimbawo ku bubaka bwa Palamenti.

Kirumira yeewuunya egimu ku misango egyamugguddwaako omuli n’okutulugunya omu ku babbi kyokka ng’omubbi ono poliisi ya Flying Squad ye yamuttira mu bubbi.

Alumirizza nti okumuggulako emisango mu kiseera kino bakama be balowooza nti y’awa amagye ebyama ebikwata ku Kitatta.

Ayongeddeko nti mu October wa 2016 bakama be baddamu ne bamuvunaana emisango emikadde kkooti gye yagoba edda wabula nga bakikola mu nkukutu naye ebya Kitatta bwe byavuddeyo ne bawalirizibwa bagiteeke mu mawulire basobole okuwugula abantu okuva ku biriwo.

Agasseeko nti waliwo omusajja ayitibwa Pius Kato gwe bamuvunaana nti naye yamutulugunya nti kyokka omusajja ono Flying Squad yamukuba amasasi e Bweyogerere ng’abba ku ssundiro ly’amafuta kyokka naye bamumuteekako nti ye yamutulugunya.

Agamba nti era bakama be baabadde bamuteze akakodyo akalala okumuleka ku mulimu ng’ate ali mu kkooti awoza ekitakkirizibwa mu mateeka nti kyokka akakodyo yakatebuse n’asooka adda ku bbali okutuusa ng’amalirizza emisango gino.

Kirumira leero asazeewo okulekulira ekifo ky'okuduumira Poliisi y'e Buyende. Poliisi ebadde ekyamuvunaana okulya enguzi n'okutulugunya abasibe.

Kirumira agamba nti ekiddako ateekateeka kuyingira byabufuzi era ekifo ky'omubaka wa Palamenti kyonna ekinaalangirira nga kikalu ajja kwesimbawo avuganye ne bwekinaaba Gulu!

 

 

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...