TOP

Nkata agobye abazannyi 8 mu URA

Added 31st January 2018

URA FC olukubiddwa ttiimu y’abaana (KJT) mu Uganda Cup, omutendesi Paul Nkata n’anyiigirawo n’afuumuula abazannyi 8.

Mu Uganda Cup URA 0-1 KJT

Ku Ssande, ttiimu y’abaana eya KJT yalumbye URA ewaayo e Namboole n’egikuba ggoolo 1-0 mu mpaka za Uganda Cup ekyaleese Nkata emitaafu.

Nkata, eyasikira Ibrahim Kirya omwezi gumu emabega, emipiira ebiri gye yaakabeera ku katebe ka ttiimu eno (ng’egya Mapinduzi Cup e Zanzibar tegiriiko), akubiddwa era agamba nti ekyamuleesa kulinnyisa mutindo gwa ttiimu ng’alina okweggyako abazannyi bassemugayaavu.

Mu kaseera kano, URA eri mu kifo kyamusanvu mu liigi y’eggwanga era gye buvuddeko Nkata yategeezezza nti ttiimu ye terina mbavu zivuganya ku kikopo sizoni eno wabula alwana kuzzaawo kitiibwa kyayo.

Mu kitundu kya liigi ekisooka, URA yawangudde emipiira 5 gyokka ku 15 wabula Kirya eyaliwo mu kutandika liigi yayanjula abazannyi 10 be yagamba nti bagenda kumuwangulira ebikopo (liigi ne Uganda Cup).

Abazannyi abaagobeddwa kuliko; Julius Ntambi, Sam Ssekitto, Simon Okwi, Cleo Ssettuba, Bokota Lubama, Robert Mokongotya, Denis Kamanzi ne Henry Kisekka era abamu ebbaluwa zaabwe bazirina okusobola okunoonya ttiimu mwe banaazannyira ekitundu kya liigi ekyokubiri.

Maneja wa ttiimu eno, Godfrey Masozi yakakasizza okugobwa kw’abazannyi bano n’agamba nti baakizudde nga tebakyalina kye bayinza kwongera ku ttiimu yaabwe mu kaseera nga bagizimba kudda ku ntikko esobole okuwangula ebikopo.

“Okubeera n’abazannyi abangi nga tebali ku mutindo tegigasa, era ekisinga kya kubeggyako n’ofuna abasobola okusitula n’okutuukiriza ebigendererwa bya ttiimu," Masozi bwe yategeezezza n'agamba nti baagala kuddamu kufuula URA ttiimu empanguzi nga bwe batyo balina okufuna abazannyi abanaasobola okukikola.

Akatale k’okukyusakyusa abazannyi kakomekkerezebwa leero (Lwakusatu), kyokka Masozi bwe yabuuziddwa lwaki abazannyi babasazeeko ng’obudde buweddeyo, ekiyinza okubabeerera ekizibu okufuna ttiimu endala, yagambye nti baludde (abazannyi) nga bakimanyi nti tebagenda kuddamu kuzannyira URA.

KISEKKA AGYABULIDDE

Kisekka eyeegatta ku ttiimu eno ku ntandikwa ya sizoni eno ng’ava mu Binh Duong FC ey'e Vietnam, yagyabulidde n’agenda mu Gokulam Kerala FC eya Buyindi. Kisekka agenze ateebedde URA ggoolo 4 mu mipiira 10 gy’azannye.

Yeegattiddwaako Bokota naye eyaddukidde mu Musenze FC ey'ekibinja kya babinywera mu Rwanda, sso nga Mukongotya agenda kusindikibwa mu Mbarara City ku looni, ate Kamanzi azzibweyo mu SC Villa eyali ebamuwadde ku looni.

BANO BE BEEGASSE KU URA

Geoffrey Ssembatya, Charles Odeke, Kalama Debose ne Herman Wasswa be balindiridde okwanjulwa eri abawagizi ba URA oluvannyuma lw’okumaliriza emisoso gyonna egy’okubazannyira. Ssembatya tabadde na ttiimu ate Odeke ne Debose bavudde mu Water ne Kira Young eza Big League.

We bwazibidde eggulo (Lwakubiri), ng'abakungu ba URA bakyagezaako kufuna (ITC) ebbaluwa ya Wasswa okuva mu Lusaka Dynamos eya Mwebaze Zambia gy’abadde azannyira.

More From The Author

Emboozi z’omuwandiisi endala

Emboozi endala

Ebyennyanja ebibissi ku kyoto.

Okukalirira ebyennyanja kul...

BW'OBEERA omumalirivu ate ng'olina ekiruubirirwa omulimu ne bwe guba omuzibu osobola okugukola n'oguggyamu ssente....

Donald Trump.

Ngenze naye nkomawo - Trump

DONALD Trump 74, abadde Pulezidenti wa Amerika owa 45 oluvannyuma lw'okuteeka eggwanga eryo ku bunkenke okuva mu...

Omugenzi Bp Kaggwa.

Bp. Kaggwa afudde corona

OMUSUMBA w'essaza ly'e Masaka eyawummula John Baptist Kaggwa afudde ekirwadde kya corona. Fr. Ronald Mayanja omwogezi...

Andrew Ssenyonga

Ssenyonga alangiridde nga b...

Ssenyonga alangiridde nga bw'avudde mu lwokaano ng'okulonda kubulako ssaawa busaawa kuggwe. Ssentebe wa disitulikiti...

Joe Biden ng'alayira nga pulezidenti wa Amerika owa 46.

Joe Biden alayiziddwa nga ...

WASHINGTON Amerika Munna DP, Joe Biden alayiziddwa nga pulezidenti wa Amerika owa 46,  n'asikira Donald Trump...