Tindikwija kwikiriza omuntu weena kunshomesa eby’oburuuru- Museveni.

N’ebya Omushaki weitu

KOLOLO

Purezidenti Yoweri Museveni naagira ngu tarikwija kwikiriza omuntu weena kumushomesa aha ku aine kwebembera eihanga.

Naagira ngu aine obukugu burikumara aha ku enkora ya demokuraciya erikukora kandi n’okuteebekanisa oburuuru ngu nahabw’ekyo tarikwetenga buhwezi bwona kuruga omu mahanga g’abajungu aha bintu ebi aine kukora.

Purezidenti agambire ebi nyomwebazyo Orwakabiri ebiro 24/10/2023 abu nagambaho omu mworeko gw’eminyeeto ogw’eby’obushuubuzi aha kishaayi ky’emikoro y’eihanga ekya Kololo. Photos by Simon Peter Tumwine.

Purezidenti agambire ebi nyomwebazyo Orwakabiri ebiro 24/10/2023 abu nagambaho omu mworeko gw’eminyeeto ogw’eby’obushuubuzi aha kishaayi ky’emikoro y’eihanga ekya Kololo.

Bamwe aha bahikire aha mworeko gw'eby'obushuubuzi ogw'eminyeeto aha kishaayi Kololo omuri Kampala.Youth Entrepreneurs Confere Kololo 24th Oct 2023 18

Omukoro ogu guteebekanisiibwe ekigombe ky’eminyeeto ekya Parliamentary Youth Forum ahansi y’omutwe “Building Sustainable Strategic Partnerships and Policy Frameworks for Supporting Youth Innovation and Startups."

Purezidenti Yoweri Museveni arikurambura emidaara y'ebintu ebirikukorwa eminyeeto aha mworeko gw'eby'obushuubuzi aha kishaayi Kololo, Kampala.

"Ngu nibaija kungambira aha kuteebekanisa oburuuru, nobaasa ota kukora ekintu nk’ekyo aharinye? Ndi omukugu aha nshonga z’oburuuru, Purezidenti arikushoborora.

"Aha ku nyine kuteebekanisa oburuuru? Aha nshonga y’ebisiyaga? N’abeshengyereza! N’abeshengyereza munyesaasire,” Purezidenti arikwingyera kushoborora.

Museveni naagira ngu oihireho obuteikirizana nabo, “ninkibaasa kukora n’amahanga ga Buraaya gaaba gaine emicwe."

Naagira ngu ayeyongyeire amaani ahabw’obwebembezi busya ahabw’ekigombe ky’amahanga ga Buraaya omu Uganda arikugira ngu Jan Sadek n’omushaija murunga.

Ebigambo bya Museveni nibyijaho bwanyima y’omukago ahagati Uganda n’amahanga ga Buraaya kutabukamu kakye.

Purezidenti Yoweri Museveni arikurambura emidaara y'ebintu ebirikukorwa eminyeeto aha mworeko gw'eby'obushuubuzi aha kishaayi Kololo, Kampala.

Omu kwezi kwa 2, 2021, Purezidenti Museveni akemereza emirimo yoona ey’ekitongore ekya Democratic Governance Facility (DGF) arikujunaana bakama b’ekitongore ekyo ahabwa gavumenti obutashoborerwa gye aha bibarikukora.

Beitu, Sadek naagira ngu ekitongore ekya DGF kikakora omurimo muhango omu bya demokuraciya hamwe n’enshonga zikwatiriine n’okworeka enkoresa nungi y’esente omu Uganda.

#WestUpdates