TOP

Effujjo mu lumbe lwa Moze

Added 3rd February 2018

Poliisi yayiye abaserikale n’abayaaye nabo ne bayiwa abakozi b’effujjo, ne lukoya.

Ssanduuko omuli omulambo bwa Moze mu luggya e Makindye mu Kizungu.

Ssanduuko omuli omulambo bwa Moze mu luggya e Makindye mu Kizungu.

Bya Martin Ndijjo, Moses Nsubuga ne Mary Nambwayo, Lawrence Mukasa

Wakati mu bantu abangi abaagenze mu lumbe lw’omuyimbi Moze Radio mwe mwabadde n’abavubuka abaakazibwako erya Kifeesi abaatigomezza abantu okutuusa okukeesa obudde.

Abavubuka bano abaabadde mu bibinja eby’enjawuulo baasoose ‘kusalako’ makubo agatuuka ku ‘Never land’ (amaka ga ba Goodlyfe) nga bwe banyagulula abantu abagendayo.

Amaka gano gasangibwa Makindye mu Kizungu.

Poliisi yabalabuukiridde mangu n’ebalumbayo era n’ekwatako abamu olwo abaagiyise mu myagaanya gy’engalo kwe kwesogga ekibangirizi awaakungaanidde abakungubazi ne batandika okubakuba nga babanyagako essimu ne ssente.

Ssanduuko omuli omulambo bwa Moze mu luggya e Makindye mu Kizungu.

 

Embeera yasajjuze mu budde bw’okugabula, abakozi b’effujjo bwe baavudde ebweru ne beewagaanya mu kifo awaabadde wagabulirwa era mu kavuvungano kano ne geeti baagimenye.

Abaasigadde ebweru baggukidde mu kulya bikajjo n’okwonoona ebintu ebiri mu kitundu kino obwedda kwe baggusiza amaaso.

Poliisi yayiye abaserikale n’abayaaye nabo ne bayiwa abakozi b’effujjo, ne lukoya.

Ekiseera kyatuuse poliisi n’eragiriza abaserikale abalala nga bigaanyi. N’amagye gazze okutaasa embeera.

Bakanyama beekwese mu busiko enjaga ne bagifuuwa nga tewali abakuba ku mukono kyokka baabadde mu bibinja bakira ebyesoomooza n’okukubagana.

Omwenge ogw’ebika eby’enjawulo baagunywedde ne bagangayira.

Abantu nga balwanagana ne bakanyama basobole okuyingira munda mu kikomera.

 

Chameleone abatabukidde

Wakati mu kukola effujjo, abantu abamu baakubiddwa kuli bassereebu omwabadde omuyimbi Fik Fameica, Fefe busi. Kigambibwa nti bano Chameleone ye yabeekubidde ng’abateebereza okubba essimu ya Weasel.

Bino byabaddewo ku ssaawa 12 ez’oku makya, Chameleone bwe yalumirizza abayimbi okubba essimu ya mugandawe oluvannyuma lw’okubasanga nga bayingira ennyumba.

Abakungubazi be baataasizza abayimbi bano oluvannyuma lw’okugaana Chameleon eokukola effujjo yazzeeyo n’aleeta ekiso.

Chameleone yazzeemu n’alwanaganya n’abavubuka ba B2C bwe yabadde abatangira okuyingira ennyumba okulaba ku mulambo gwa Radio mu nnyumba
gye baasoose era bakanyama be baataasizza embeera.

Omubaka Allan Ssewanyana ng’abuuza ku maama wa Moze ayitibwa Kafuko (ku kkono) ne maama wa Weasel ayitibwa Prossie Mayanja (ali mu kiragala emabega).

 

Omuyimbi Lyto Boss bwe yafulumyemu okuva ku lumbe yagudde mu bakifeesi ne
bamukuba okumwogoloza.

Abantu baayogedde eri abakungubazi nga mulimu Mariam Ngadire, Joseph
Mayanja, Taata wa Chameleon n’abalala baalabudde abayimbi okweyisa n’obuvunaanyizibwa n’okukomya okukozesa ebiragalalagala.

Balaam yategeezezza nga bwe batalina ssente za lumbe olwo abantu ne batandika okusonda ensimbi.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...