TOP

Agambibwa okutta Moze Radio akwatiddwa

Added 5th February 2018

Agambibwa okutta Moze Radio akwatiddwa

 Godfrey Wamala agambibwa okutta Moze ng'atwali ku poliisi e Katwe

Godfrey Wamala agambibwa okutta Moze ng'atwali ku poliisi e Katwe

POLIISI ekutte Kanyama agambibwa okukuba omuyimbi Moses Ssekibogo amanyiddwa nga Moze Radio bwe baali mu bbaala ya De Bar e Ntebe  

Godfrey Wamala amanyiddwa nga Troy y'akwatiddwa abasirikale okuva ku poliisi ye Katwe abakulembeddwamu DPC Frantile Lwamusaayi  ku Ssande akawungeezi bwe bamukukunudde e Kyengera gy'abadde yekwese okuva Moze Radio bwe yakubibwa.

Lwamusaayi yagambye nti okukwata Wamala ono kyadiridde omuntu omu okubawa amawulire nti waliwo omuntu ateeberezebwa okuna nga yeeyasse Moze ali wamukwano gwe gye yeekwese e Kyengera.

Olwatusiddwa ku poliisi e Katwe Wamala yagiddwako sitatimenti n'annyonnyola ebyaliwo ku bbaala ya De Bar e Ntebe omuyimbi Moze Radio weyafunira obuzibu obugambibwa nti yakubibwa.

Wamala yagambye nti baali mu bbaala eno  nga batudde ku mmeeza  okwali Omuyimbi Moze Radio, Washington nga akwata nnyimba, Hassana Lukwago ne George e Egesa  ne wabaawo okuwanyisiganya ebigambo.

Yagambye nti Moze Radio yasomooza bonna abaali ku mmeeza nti  alina okulaga nti alina ssente ez’okugula omwenge era n'ategeeza nti altalina abaviire kwekuggyayo emitwalo 10 era n'alagira n'abalala basse ssente ku mmeeza.

Yategeezezza nti obuzibu bwatandikira ku Moze kuwanyisiganya bigambo ne Egesa era n'amuyiira omwenge gw’ekika kya Black Lebel nga wano webayitira bakanyama okumufulumya.

Yagambye nti waliwo eyalina okumusasula ssente ze n'asalawo okuva ku bbaala eno  nga bwe yatuuka wabweru yasanga Radio ali kuttaka nga n’abantu bakungaanye.

Yannyonyodde nti yasalawo okuva ku bbaala eno okweyongerayo kyokka yalemeddwa okunyonyola engeri  Moze Radio gye bamufulumyamu okuva ku mmeeza kwe yali ne banne.

Yegaanyi ebyokukuba Moze Radio ekyamuviirako okufa kyokka n'agamba nti nga wayise ennaku bbiri nga omugenzi aweereddwa ekitanda natandika okuwulira ebiyitingana nti yeyamukubye kwekusalawo okugenda ewa Mukwano e Kyengera okubeera eyo okutuusa poliisi bwe yamukutte.

Abasirikale olw'akutte Wamala bamututte ku poliisi e Katwe n'akola sitatimenti oluvanyuma n'atwalibwa ku poliisi e Ntebe awali fayiro y’omusango

More From The Author

Emboozi z’omuwandiisi endala

Emboozi endala

Embeera y'amasiro nga bwegali mu kiseera kino

Omuwanika wa Buganda Waggwa...

OMUMYUKA ow’okubiri owa Katikkiro era Omuwanika wa Buganda,Robert Waggwa Nsibirwa bwe yabadde asoma embalirira...

Abakozi abakolera mu Owino balaajanidde Gavumenti ku mmaali yaabwe

Abakolera mu Owino balaajan...

ABASUUBUZI abakolera mu katale ka St.Balikudembe balaze obutali bumativu olw'abeebyokwerinda okubagaana okutaasa...

Eyafumitiddwa ebiso nga bw'afaanana

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Nnamwandu Sarah Nassiwa ng'akungubagira bba

Kamyufu afumise munne ebiso...

OLWAMAZE okufumita munne ebiso n’agenda nga yewaana nti, ‘mumaze naye agende yejjanjabe nga nange bwe ngenda okwejjanjaba’....

Ronald Kyobe ng'alaga emmwanyi ze. Ebifaananyi bya Ssennabulya Baagalayina

Abalimi b'emmwanyi e Lwaben...

ABALIMI b'emmwanyi mu ggombolola y'e Lwabenge e Kalungu kwe basinzidde okusaba Gavumenti nti tekoma kubakunga wazira...