TOP
  • Home
  • Amawulire
  • Aba Butcher bafunye obutakkaanya n'abalufula e Nakawa

Aba Butcher bafunye obutakkaanya n'abalufula e Nakawa

Added 7th February 2018

Aba Butcher bafunye obutakkaanya n'abalufula e Nakawa

Bya Sandra Namirimu

BAKINJAAJI mu divisoni ya Nakawa bakukulumidde abakozi b’omulufula olw'okwagala okubaggyako emirimu nga babasuubuza ennyama ku buseera ate ne baguza ne ba sekinnoomu kiro kubanga bbo aba butcher baba tebakyakola.

Bano ab’egattira mu kibiina kya KABUTA okwogera bino babadde basisinkanye mmeeya wa Nakawa Ronald Balimwezo, abakugu mu kukebera n’okutabula eddagala, abakungu ba KCCA n'abakulira Lufula ku divisoni e Nakawa mu lukiiko oluyitiddwa okuttaanya ku nsonga z’okukozesa ebiragalalagala ku nnyama okujikuuma nga teyonooneka.

Abakinjaaji nga bakulembeddwamu sentebe waabwe mu Nakawa Hajji Zubairi Bukenya ategeezeza nti abakozi mu Lufula bagezezzaako okubaggya mu kutunda ennyama ate nga nabo baagala okusigala ku mulimu kubanga kwe balya. 

Ono agamba aba lufula basasanya enjiri nti aba butcher batunda ennyama erimu eddagala nga bagenderera kubaggya mu mulimu basigalemu bokka kubanga babasuubuza ennyama ate ne basigala nga baguza naba kiro nga kino kibaluma kubanga bbo bagibawa ku bbeeyi nnene nga yensonga lwaki n'abasinga bassa ebiragalalagala ku nnyama ereme kubafaako.

Akiikiridde sentebe wa Lufula Wiberforce Muteesasira ategeezezza nti baakukola ku nsonga ya lufula okutunda ennyama mu kkiro wabula n'ategeeza nti abakinjaaji baagala nnyo okulaba butcher zaabwe nga ziriko ennyama nga kyekisinze okubawaliriza okukozesa ebiragala okukuuma ennyama kubanga teggwa ku middaala.

Mmeeya wa Nakawa Ronald Balimwezo asabye abakinjaaji okutuukiriza  ebisaanyizo bya butcher bweyandibadde okugeza okubaamu amazzi ag’okya n'agannyogoga, okubaamu bbalaafu, nga bino abakinjaaji abasinga tebabirina.

Dr. Robinson Nabaasa okuva mu KCCA agamba baakolako okunoonyereza ne bakizuula nti butcher zikozesa Sunami ku nyamba wabula ku butcher 70 nga nnya zoka zezimukozesa,  ono agamba bintu bingi ebirina okwegenderezebwa byetulya okugeza tetulina kussa byakulya ku mawulire kubanga bwona bulwadde bwetuyingiza.

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...