TOP
  • Home
  • Amawulire
  • Eyabbye ensawo temubakwasa kisa' omwabadde emmundu bamukwatidde mu ssabo

Eyabbye ensawo temubakwasa kisa' omwabadde emmundu bamukwatidde mu ssabo

Added 9th February 2018

Omubbi wuuno eyamenye mmotoka n’abbamu ensawo eyabaddemu emmundu (pisito), bwe yategedde nti bamunoonya n’addukira ew’omusawo w’ekinnansi okumusibira omusango.

 Mulumba eyakwatiddwa.

Mulumba eyakwatiddwa.

Khalid Mulumba amanyiddwa nga High Tower agambibwa okuba omu ku bamenyi b’amateeka aboolulango mu Kawempe ng’abeera Kibuye.

Kigambibwa nti wiiki ewedde yamenye mmotoka ya Chrispus Mugabi akola mu ofiisi ya pulezidenti gye yali asimbye e Nakulabye okumpi n’ebitaala ku ssaawa 2:00 ez’ekiro n’abbamu ensawo omwabadde pisito n’essimu ekika kya Samsung n’adduka era okuva olwo babadde bamunoonya.

Wabula baamuguddeko mu ssabo lya Ssaalongo Ssendowooza erisangibwa mu muluka gwa Makerere III mu Kawempe gye yabadde agenze okusiba omusango baleme kumukwata.

Mulumba yakwatiddwa abaserikale ba Flying Squad ssaako Ssendowooza ne batwalibwa ku poliisi y’e Wandegeya, Mugabi gye yaloopa omusango oguli ku Fayiro SD: 50/31/01/2018.

Mulumba yabyegaanyi n’agamba nti ye musajja musuubuzi wa maliba mu Lufula y’oku Kaleerwe n’eya Port Bell.

Yagasseko nti Ssendowooza kitaawe muto, yabadde agenzeeyo kumulabako si kumuganga.

Wabula obujulizi Ssendowooza bwe yawadde poliisi bwawukana n’obwa Mulumba bwe yategeezezza nti Mulumba amumanyidde emyezi etaano emabega ng’era abadde agenda ku nsonga ezenjawulo okuli n’okumusibira emisango gy’aba azzizza nga ne ku luno kye kyabadde kimututteyo abaserikale we baabasangidde .

Abatuuze baategeezezza nti High Tower abbira nnyo mu Kawempe, Kiwatule, Kawaala, Bwaise ne ku luguudo lwa Bombo.

Mpanga Musajjakaawa akulira abasawo b’ekinnansi mu muluka gwa Makerere III e Kawempe yategeezezza nti abasawo b’ekinnansi tebaliiwo kukugira bamenyi b’amateeka ng’era Ssendowooza yabadde alina okugenda ku poliisi n’agitemyako oba si kyo yandifunye omuntu n’amutuma ku poliisi nga Mulumba tategedde n’akwatibwa.

More From The Author

Emboozi z’omuwandiisi endala

Emboozi endala

DERRICK ORONE naye alaze by...

Yawangudde eky'omubaka wa Gogonyo mu disitulikiti y'e Pallisa. Aludde mu nsiike y'okuyimba era abaddeko maneja...

GEOFFREY LUTAAYA alaze byat...

GEOFFREY LUTAAYA Sisobola kuva mu kuyimba kuba kwe kunfudde Lutaaya ensi gw'emanyi naye olw'obuvunaanyizibwa kati...

Ebyakwasizza Dr Lulume mu k...

OMUBAKA wa Buikwe South eyaakalondebwa Dr. Lulume Bayiga n'abantu abalala mwenda baakwatiddwa poliisi y'e Nyenga...

'Siri mwangu buli ankubyeek...

EYAGAANYE okusasula ssente z'entambula bamutabukidde ne bamwambula ne bamutwala ku poliisi gye yeekoledde obusolo...

Ssaabasumba asabye Gavument...

SAABASUMBA w'Essaza ekkulu erya Kampala Dr.Cyprian Kizito Lwanga awadde Pulezidenti Museveni amagezi okusoosowaza...