TOP
  • Home
  • Amawulire
  • Abaafera yinvesita bavunaaniddwa emisango emirala

Abaafera yinvesita bavunaaniddwa emisango emirala

Added 15th February 2018

ABANTU abeekobaana ne bafera omusuubuzi obukadde 600 nga bamuguza zaabu basimbiddwa mu kkooti ne bavunaanibwa emisango emirala.

 Richard Kamugisha (ku kkono) David Kironde ne Nasser Kibirige nga baggyibwa ku poliisi ya CPS okutwalibwa mu kkooti ya LDC e Makerere.

Richard Kamugisha (ku kkono) David Kironde ne Nasser Kibirige nga baggyibwa ku poliisi ya CPS okutwalibwa mu kkooti ya LDC e Makerere.

Bya Eria Luyimbazi ne Pheobe Lunkuse

ABANTU abeekobaana ne bafera omusuubuzi obukadde 600 nga bamuguza zaabu basimbiddwa mu kkooti ne bavunaanibwa emisango emirala.

Bano okuli Stella Birungi Dindi, David Kironde , Richard Kamugisha, Nasser Kibirige ne Yazidi Kabonge be baavunaaniddwa mu kkooti ya LDC e Makerere oluvannyuma lw’okusomebwa emisango egy’enjawulo omuli ogw’okugezaako okufera omusuubuzi Nasri Akil.

Bano poliisi yasooka kubakwatira ku kkooti ya City Hall ku Lwokutaano nga February 9, 2018 oluvannyuma lwa poliisi okubaako fayiro endala ezaali zibalindiridde nga beetaagisa okutwalibwayo bavunaanibwe.

Mu kkooti ya City Hall baavunaanibwa emisango gy’okufera omusuubuzi okuva mu ggwanga lya Lebanon Muhammad Soubhi Assi obukadde 687.

Mu kubakwatira ku kkooti waaliwo okusika omuguwa wakati w’abajaasi ne poliisi abaali balemesa okubakwata, wabula poliisi n’ebasinza amaanyi n’ebakwata ne batwalibwa ku CPS ne baggalirwa .

Eno gye baggyiddwa ne batwalibwa mu kkooti ya LDC.

Muhammad Soubhi Assi muganda wa Nasri Akil naye baamufera.

 

Mu kkooti ya LDC omulamuzi George Watyekere yabasomedde emisango omuli okwekobaana okuzza omusango gw’okufuna ssente akawumbi kamu n’obukadde 602 okuva ku Nasri Akil nga bagezaako okumulimba nti bamuguza zaabu omutuufu kkiro 14 n’okugezaako okumuggya ko ssente obukadde 163.

Emisango emirala kuliko okusaalimbira mu ‘laabu’ ya Yunivasite e Makerere nga kino kyaliwo nga January 10, 2018 nga balina ekigendererwa eky’okufera Nasri Akil.

Kamugisha ye yayongeddwaako omusango ogw’okweyita ky’atali bwe yeefuula omukozi mu ‘laabu’ ya yunivasite y’e Makerere nga y’omu ku beekebejja ebintu.

Munnamateeka w’abavunaanibwa, Simon Peter Musangala yeemulugunyizza olw’okukwata abantu be nga baakayimbulwa mu kkooti ya City Hall era ne baddamu okuvunaanibwa emisango gye gimu n’asaba ku mulundi guno kkooti ekkirize okweyimirirwa.

 

Wabula omuwaabi wa gavumenti, Roy Karungi yasabye omulamuzi Watyekere aweebwe ennaku bbiri asooke yeetegereze ebiwandiiko by’abaavuddeyo okubeeyimirira n’okwetegereza fayiro z’emisango egibavunaanibwa eri ku City Hall.

Omulamuzi Watyekere yasindise abavunaanibwa ku alimanda mu kkomera e Luzira n’alagira bakomezebwewo ku Lwokuna lwa wiiki eno.

More From The Author

Emboozi z’omuwandiisi endala

Emboozi endala

Omulimu gw'okuddaabiriza Nk...

Abaasomerako ku ssomero lya Nkumba P/S bayingidde omutendera ogw'okusatu mu kuddaabiriza ebizimbe ku ssomero lino...

UGANDA EKWATA KISOOKA MU AF...

OMUWANDIISI w'enkalakkkalira mu minisitule y'ebyobulamu Dr Diana Atwine abugaanye essanyu oluvanyuma lw'okufuna...

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu