TOP
  • Home
  • Amawulire
  • Poliisi ekutte n'eggalira Kamagu, munnamawulire wa Top Radio

Poliisi ekutte n'eggalira Kamagu, munnamawulire wa Top Radio

Added 20th February 2018

POLIISI ekutte munnamawulire Richard Kasule amanyiddwa ng’omugagga Kamagu, akolera ku Top Radio mu Kampala.

 Busuulwa (mu ggaalubindi) ku poliisi e Wandegeya. Mu katono ye Kamagu

Busuulwa (mu ggaalubindi) ku poliisi e Wandegeya. Mu katono ye Kamagu

Poliisi eyabadde eduumirwa Joseph Nsabimana aduumira poliisi y'e Wandegeya yazinzeeko ofiisi za Top Radio ne bakwata Kamagu eyabadde yaakamaliriza pulogulaamu ye eya ‘Simbula first class’ ng’anaatera okuvaawo.

Kamagu olwamukutte baamuwalirizza okulinnya kabangali ya poliisi ne bamutwala ku poliisi e Wandegeya. Kyokka ensonda mu poliisi zaategeezezza nti ebigambo Kamagu by'azze ayogerera ku pulogulaamu ye bye byamuleetedde obuzibu.

Dunstan Busuulwa, akulira abakozi ku Top Radio yagambye nti Nsabimana yasoose kumukubira ssimu n’amutegeeza nti agenda kukwata Kamagu.

Bwe yamubuuzizza omusango gwe yabadde azzizza yamuzzeemu nti ensonga yabadde teyeetaaga kugyogerera ku ssimu.

Abantu ab'enjawulo baavumiridde ekikolwa kino ne bategeeza nti ebitongole ebikuumaddembe bwe binaagenda mu maaso n’okukwata abaamawulire, abantu bajja kubulwa ababalwanirira nga banyigirizibwa.

Ono ye munnamawulire owookubiri okuwambibwa mu bbanga lya wiiki emu ng’eyasooka yali munnamawulire Charles Etukuri owa New Vision.

Abaserikale abaamuwamba baamuggya ku ofiisi gy'akolera mu Industrial Area mu Kampala.

Bannamateeka abaakulembeddwaamu Asuman Basalirwa baagenze ku poliisi ye Wandegeya okuzuula omusango ogwakwasizza Kamagu.

Poliisi yasoose kugaana muntu yenna okwogera ne Kamagu, kyokka oluvannyuma yakkirizza bannamateeka okumusisinkana.

Basalirwa yategeezezza bannamawulire oluvannyuma nti Kamagu yabagambye nti baabadde tebalina musango gwe baamuguddeko.

Kyokka kyategeezeddwa nti poliisi oluvannyuma yazzeeyo ku Top Radio mu kaweefube w’okunoonya obujulizi obulumika Kamagu ku misango egitannamanyika.

Robert Sempala, akulira ekibiina kya Humam Rights for Journalists in Uganda yategeezezza nti bannamawulire kituufu tebali waggulu wa mateeka, naye poliisi bw'eba ebalinako emisango eba erina okuyita mu mitendera emituufu okusinga okubatwala mu ngeri esasamaza n’okubatiisatiisa.

Emmanuel Sserunjogi, meeya w'e Kawempe ng’ali ku poliisi ye Wandegeya, yategeezezza nti poliisi eyitirizza okutyoboola eddembe ly’abaamawulire mu ggwanga nga yeerabidde ensonga ezisinga zeetoloolera ku bannamawulire.

Yagasseeko nti okukwata munnamawulire ng’ayogedde ku nsonga etali ntuufu tekyetaagisa kukozesa lyanyi , n’okubalumba ku mirimu gye bakolera, kuba basobola okumuyita ne yeetwala ku poliisi.

More From The Author

Emboozi z’omuwandiisi endala

Emboozi endala

Omukazi lwe yeeronda n'atam...

ABASAJJA abamu babeera mu maka nga bali ku maggwa olw’abakazi abeeronda ku buli nsonga. Ab’engeri eno mu kiseera...

Akena ng’alayizibwa ku bwapulezidenti bwa UPC.

Akena alayiziddwa n'awera k...

ABA UPC baayisizza ekiteeso ekikakasa Jimmy Akena ng'omukulembeze wa UPC omuggya ekyongedde okutabula abamuwakanya....

Endabika ya Rema ecamudde a...

BAATANDISE ku Lwakutaano ku Idd, ng'amba abawagizi nga beebuuza engeri sereebu waabwe gy’ajaguzaamu olunaku engeri...

Aba Ebonies bagaanyi Corona...

Dr. Bbosa (mu katono) ng'amannya ge amatuufu ye Sam Bagenda yasinzidde ku mukolo gw'okutongoza enkola empya mwe...

Tanga Odoi ng’ayogera eri bannamawulire ku Lwokubiri.

NRM eggaddewo okugaba ffoom...

AKAKIIKO k'ebyokulonda mu NRM kalagidde buli ayagala obubaka bwa Palamenti n'obwassentebe bwa disitulikiti okusooka...