TOP

Gashumba ayongeddwako emisango emirala 12

Added 26th February 2018

OMUWAABI wa gavumenti omukulu aleese emisango emirala 12 ku Frank Gashumba ne muganda we nga kati awamu bavunaanibwa emisango 26.

 Ismail Kiyingi, FRank Gashumba ne Innocent Kasumba mu kkooti gye buvuddeko

Ismail Kiyingi, FRank Gashumba ne Innocent Kasumba mu kkooti gye buvuddeko

Bya ALICE NAMUTEBI

OMUWAABI wa gavumenti omukulu aleese emisango emirala 12 ku Frank Gashumba ne muganda we nga kati awamu bavunaanibwa emisango 26.

Okusinziira ku nnongosereza eyakoleddwa, Gashumba aguddwako emisango emirala okuli ogwokusangibwa ne sitampu za South Sudan enjingirire okuli eya minisitule y’ebyamateeka, ey’obusuubuzi n’eyebibira.

Gashumba era aguddwako ogwokweyita kyatali bweyalimba nti ye Frank Disans Ssenyondo mutabani wa Joseph Lwandaga ne Teddy Nalwanga gwe baazaala mu 1968 e Namasuba  nga ekiruubirirwa kyali kyakufuna paasipooti mpya.

Emisango emipya gyayanjuddwa omuwaabi wa gavumenti Jonathan Muwaganya eri omulamuzi wa kkooti ya Buganda Road, James Mawanda Ereemye .

 Gashumba ne mugandawe Innocent Kasumba, ne Ismail Kiyingi emisango bagyegaanye .

Bano tebasindikiddwa ku limanda kubanga kkooti yali yakkiriza dda okubeyimirira era nga babadde ku kakalu ka kkooti . Gwo omusango gwongezeddwayo okutuusa nga March 21,2018.

Gashumba okumugulako emisango emipya abadde akyawerenemba n’emikadde nga gyonna gyekuusa ku kyakweyita kyatali, kujingirira nakusangibwa na biragala.

Kigambibwa nti nga  September 12,2017 ku Tulip Hotel, ku Kafu Road Gashumba ne banne baalina  ekigendererwa ky’okubba ba yinvesita okuva e Holland [ Kolgvan Dirutop ne Manu Meerscghman] nabalimba nti ye Col. Francis Okello Director w’ebikozesebwa mu minisitule y’obyokwerinda.

Yavunaanibwa ogw’okujingirira ebiwandiiko nga kigambibwa nti yasangibwa n’endaga muntu za minisitule y’ebyokwerinda eya Uganda ne South Sudan era nasangibwa n’ebiragalagala.

Kuno bamugaseeko ogwokweobaana ne muganda we Innocent Kasumba ne Ismail Kiyingi ne balimba ba yinvesita okubafunira kontulakiti y’okuleetera minisitule y’okwerinda emmotoka ezikozesebwa mu ntalo, ttanka z’amazzi  nga kino baakikola okugezaako okubba ssente era gyonna bagyegaana.

 

More From The Author

Emboozi z’omuwandiisi endala

Emboozi endala

Eyeefudde agula essimu n'ag...

Bya Rosemary Nakaliri  Abasuubuzi b'oku Kaleerwe baazingizza ababbi abeefudde bakasitoma abazze okugula essimu...

Kayemba n'ensawo ye emweyagaza.

Kyama ki ekiri mu bbulifukk...

Geoffrey Kayemba Ssolo avuganya ku kifo ky’omubaka wa Bukomansimbi South ensawo ya Jjajja we emweyagaza.

Minisita Kibuule mu ssuuti ng'atongoza okusimba emiti gy'amasannyalaze.

Ab'e Nama bawonye okusula m...

Abatuuze mu ggombolola y’e Nama mu disitulikiti y’e Mukono bafunye akaseko ku matama bwe babawadde amasannyalaze...

Kasingye ng'akwasa Omusumba Jjumba masiki.

Poliisi n'amagye byetondedd...

POLIISI n'amagye byetondedde Omusumba w'e Masaka eyawummula John Baptist Kaggwa (mu kifaananyi ku ddyo) olw'okukuba...

Buchaman ne mukyala we nga bakwasa abaserikale ebyambalo by'amagye.

Buchaman awaddeyo ebyambalo...

OMUWABUUZI wa Pulezidenti ku nsonga za Ghetto, Mark Bugembe amanyiddwa nga Buchaman akwasizza ab’ebyokwerinda ebyambalo...