TOP
  • Home
  • Amawulire
  • Minisitule n'abazadde tebakkaanyizza ku by'okuggala amasomero

Minisitule n'abazadde tebakkaanyizza ku by'okuggala amasomero

Added 28th February 2018

Mu kikwekweto ekyakoled­dwa mu Kampala okulondoola omutindo gw’amasomero ga pulayimale, amasomero agaso­ba 50 gaggaddwa olw’obutaba na bisaanyizo minisutule bye yateekawo.

 Ebibiina by’essomero lya Golden Age Basic School e Bukasa eryaggaddwa.

Ebibiina by’essomero lya Golden Age Basic School e Bukasa eryaggaddwa.

Bya HENRY KASOMOKO NE REGINA NALUNGA

MINISITULE y’ebyenjigiriza eyongedde okuggala ama­somero agatalina bisaanyizo.

Mu kikwekweto ekyakoled­dwa mu Kampala okulondoola omutindo gw’amasomero ga pulayimale, amasomero agaso­ba 50 gaggaddwa olw’obutaba na bisaanyizo minisutule bye yateekawo.

Dr. Cleophus Mugenyi avunaanyizibwa ku mutindo gw’abasomesa mu minisitule y’ebyenjigiriza n’emizannyo ye yakulembeddemu ekikwekwe­to mu bitundu okuli; Kasokoso, Bukasa, Namataba n’ebitundu n’ebirala mu disitulikiti ya Wakiso.

Mu bimu ku bye baabadde basaba z’ebbaluwa ezika­kasa abasomesa ku mirimu, okubeera ne layisinsi, baatun­uulidde enzimba y’ebizimbe, obuyonjo, abasomesa bennyini n’ebirala.

Amasomero agaggaddwa kuliko; Bridge Academy, Do­minion P/s agasangibwa e Ka­sokoso. Amalala kuliko; Golden Age Basic School e Bukasa ne Uncle Byamungu Nursery and P/s e Namataba.

Gano abagakulira baalemed­dwa okulaga layisinsi ezibak­kiriza okukola.

Samson Ndyatabala akulira essomero lya Uncle Byamungu Nursery and P/s bwe baamubuuzizza ebbaluwa ezimukkiriza okusomesa nga tazirina ne bamubuuza engeri gy’asobola okusomesaamu abaana n’ategeeza nti, alina banne abalina ebbaluwa mu busomesa abamuyitiramu ku bikwatagana n’obusomesa era bano be baamuwa n’ekirowoozo okutandika es­somero erirye.

Dr. Mugenyi (ku ddyo) ng’ali mu ofiisi ya heedimaasita wa Uncle Byamungu Nursery and P/s e Namataba. Ku (kkono) ye Samson Ndyatabala alikulira.

 

Yategeezezza abakungu nti, essomero lino yaakalitandika era yabadde tannaba kumanya bulungi mateeka agafuga ama­somero era n’asaba abaabadde balambula bagamuyigirize.

 Mugenyi yalabudde aba­zadde abeemulugunya ku bikwekweto ku masomero n’ategeeza nti, essomero bwe liggalwa tewaba kyakwe­kwasa nti abazadde bafiirwa fiizi kubanga omuwandiisi ow’enkalakkalira mu minisitule y’ebyenjigiriza n’ebyemizannyo Alex Kakooza yateeka eki­rango mu mawulire ng’alabula bazadde obutatwala baana baabwe mu masomero agatatu­ukanye na mutindo. Yayonged­deko nti, yabakubiriza okubuu­za layisinsi nga tebannatandika kuwandiisa baana baabwe.

Yalabudde abakulu b’amasomero agaggaddwa obutanyomoola kiragiro kya minisitule n’ategeeza nti, singa wanaabaawo akwatibwa ng’agguddewo essomero nga takkiriziddwa waakusimbibwa mu mbuga z’amateeka avu­naanibwe.

Amasomero amalala agag­gaddwa kuliko; amasomero ga Bridge School ettabi ly’e Lugazi, Kyengera, Nabazizza, Mubende ne mu Arua. Ama­lala kuliko; Arise and Shine Eduction Centre e Kyengera n’amalala.

Abayizi ba Blessed Future nga balagirwa okudda eka oluvannyuma lw’okuggalwa.

 

EKIKWEKWETO E NANSANA

Abazadde mu Munisi­paali y’e Nansana batabukidde ab’ebyenjigiriza nga bagamba nti, ebikwekweto ebikolebwa bifiiriza abayizi.

Embeera eno ewalirizza akulira ebyenjigiriza Margaret Nantege ne Robert Kagwire ow’ebyobulamu mu Munisi­

 paali eno okwongera amaanyi mu bikwekweto ku masomero agali mu mbeera embi.

Nantege yategeezezza nti, baggadde amasomero agawera amalala ne bagalabula. Amasomero agaggaddwa kuliko; Blessed Fu­ture P/s, Nabweru - Kazinga, Jacinta Daycare Nursery & P/s Kazinga ne Royal Daycare. Gano gaasangiddwa nga tegalina bisulo, ebibiina bifunda, abayizi bagabaana ebibiina, tegalina mafumbiro malungi n’ebirala.

More From The Author

Emboozi z’omuwandiisi endala

Emboozi endala

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...