TOP

Poliisi ebuliddwa obujulizi ku Kirumira

Added 2nd March 2018

KKOOTI ya poliisi ebuliddwa obujulizi ku muserikale waayo Mohamed Kirumira n’emwejjeereza emisango ebiri okuli ogw’okusiiwuuka empisa n’okuggalira aba takisi ate ng’abaggyeeko 20,000/-.

Kirumira ng’ali mu kaguli.

Kirumira ng’ali mu kaguli.

Eggulo (Lwokuna) Kirumira yazzeeyo mu kkooti etuula ku kitebe kya poliisi e Naggulu, ssentebe wa kkooti n’abuuza oludda oluwaabi olwakuliddwa Catherine Tusemerirwe okwanja obujulizi ku Kirumira.

Tusemereirwe eyabadde asuubirwa okuwaayo obujulizi obuluma Kirumira yategeezezza kkooti nti aba takisi eby’omusango baabivaako ate n’omuvubuka omulala eyali alumiriza Kirumira okumubbako capati (Rolex) ye n’agitwala baamunoonyezza n’ababula.

Tusemereirwe bwe yabuliddwa obujulizi kwe kusaba kkooti ng’ayita mu ssentebe waayo Denis Odongopiny ne banne emisango egigobe.

Kirumira eyabadde omunyiivu mu kaguli mwe yabadde ayimiridde yatandise okufuna akamwenyumwenyu n’okunyeenya omutwe mu ngeri egamba nti mbanywezezza.

Ssentebe wa kkooti okusaba kwa Tusemereirwe yakukkirizza kyokka n’ategeeza nti eggulo bammemba ba kkooti abamu tebaabaddewo kuggyako Kirumira misango gino mu bujjuvu n’alagira baddemu okutuula ku Lwokubiri ya wiiki ejja nga Kkooti ejjudde bakimale.

Emisango ebiri egyamuggyiddwaako bw’ogigatta ku esatu egyasooka okumuggyibwako giba kati giweze etaano. Kati asigadde ng’attunka n’emisango esatu kw’egyo omunaana egyasooka okumuggulibwako.

Emisango esatu gy’asigazizza kuliko, okukozesa obubi ofiisi nga yaggya ku Meddie Nsubuga 10,000/- ne Badru Muwadda 85,000/-, Muhereza Mayanja 50,000/-, Bosco Kiriggwajjo 50,000/-, Steven Kaggwa 20,000/-, Muhereza Tumusime 40,000/-, Ramathan Kakooza 350,000/- ne Ibrahim Bukenya agamba nti yamubbako ‘Rolex’.

Oludda oluwaabi era lulumiriza Kirumira nti teyakozesa bulungi buyinza bwe ku bavubuka ababba obukadde 100 mu ofiisi y’omuduumizi wa poliisi. Bagamba nti abateeberezebwa okwenyigira mu bubbi buno yabakwata kyokka n’abayimbula nga tabaggyeeko sitatimenti.

Eggulo, Kirumira yaloopedde kkooti nti waliwo abantu abatambula nga bamulondoola nga bakozesa pikipiki buli w’agenda era n’asaba kkooti eragire akulira poliisi y’e Bulenga emuwe obukuumi obw’enjawulo kuba waliwo abayinza okumutuusaako obulabe.

Yagambye nti afuna amasimu agamutiisatiisa ku masimu agatalaga nnamba era abamu baamutegeeza nti yawa abaserikale b’amaggye amawulire g’okukwata eyali akulira aba bodaboda 2010 Kitatta n’omuserikalde Faisal Katende.

Yagambye nti mukazi we yalumbibwa ku nkulungo y’e Busenga ne bagezaako okumuggya ku pikipiki kwe yali nga bwe bamulumiriza nga bwe bajja okutta omwana gwe yalina mu lubuto mu kiseera ekyo.

Yasabye bamukyusizeemu alekere awo okweyanjula buli lunaku. Kyokka okusaba kwe ssentebe wa kkooti talina kyakwogeddeko.

Yategeezezza ssentebe wa kkooti Odongopiny nti yagguddewo n’omusango ku poliisi y’e Lungujja ku fayiro SD: 43/28/02/2018 ogukakasa obulabe bw’alimu.

Kkooti eddamu ku Lwokubiri nga March 6, 2018, okutuula.

More From The Author

Emboozi z’omuwandiisi endala

Emboozi endala

Abaana nga bagumbye ku

Bakubye ssengaabwe mu mbuga...

ABAANA batutte ssengabwe mu kakiiko k'eggombolola y'e Kyazanga nga bamulumiriza okubawuddiisa ne yezibika obukadde...

Komakech n'ebizibiti bye ku poliisi y'e Kawanda.

Abadde yakayimbulwa e Luzir...

Komakech ategeezezza nga bwabadde agenda okufa enjala nga yali asiiga njala z’abakazi wabula okuva bwe bayimiriza...

Testing video to see if it ...

aojdjadjdadojajdndn

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo