TOP
  • Home
  • Buganda
  • Mubeere kyakulabirako eri abantu - Ssebwana

Mubeere kyakulabirako eri abantu - Ssebwana

Added 4th March 2018

OMWAMI wa Kabaka atwala essaza ly’e Busiro Ssebwana Charles Kiberu Kisiriiza asabye abaami ba Kabaka mu Busiro okubeera eky’okulabirako eri abantu ba Kabaka, mu nneeyisa n’enkola y’emirimu.

 Ssebwana Charles Kisiriiza ng'ayogerako eri abakulembeze b'Obwakabaka okuva e Busiro.

Ssebwana Charles Kisiriiza ng'ayogerako eri abakulembeze b'Obwakabaka okuva e Busiro.

Bya LAWRENCE KIZITO

OMWAMI wa Kabaka atwala essaza ly’e Busiro Ssebwana Charles Kiberu Kisiriiza asabye abaami ba Kabaka mu Busiro okubeera eky’okulabirako eri abantu ba Kabaka, mu nneeyisa n’enkola y’emirimu.

Ssebwana okwogera bino yasinzidde mu musomo ogukwata ku musujja gw’ensiri ogwabadde ku mbuga y’e Ssaza e Ssentema nga gwabaddde gwabakulembeze b’Obwakabaka. Gwabaddewo ku lw’okusatu nga 28th/02/2018.

Ssebwana yategeezezza nti omukulembeze bwalagira abantu okubeera abayonjo mu maka naye ng’ewuwe ensiko yejjudde, abantu tebasobola kumuwuliriza.

Yagambye nti enkola zonna eziziyiza omusujja gw’ensiri zirina kusooka kuteekebwa mu nkola mu maka g’abakulembeze olwo n’abantu basobole okufuna eky’okulabirako.

Yajjukizza ba Ssemaka okugulira abantu b’omu maka gaabwe obutimba bw’ensiri naddala abo abaafikka nga gavumenti egaba obutimba obw’obwereere. Yagambye nti buno bubeera buvunanyizibwa bwa Ssemaka okulaba nga abantu be balamu awo Gavumenti n’ejja okumukwatirako.

Yasabye abantu okujjumbira okwekebeza omusaayi bamanye obulamu bwabwe we buyimiridde ate beekuume enddwadde enkambwe nga Siriimu zireme kubasanyaawo.

Ye Dokita Phiona Kalinda okuva mu kitongole ky’ebyobulamu e Mengo nga yeyabadde omusomesa omukulu, yagambye nti omusujja gw’ensiri gutta abantu bangi okusinga endwadde endala ezirowoozebwa okubeera ez’amaanyi.

Wano we yabasabidde okukozesa obulungi obutimba obwabaweebwa gavumenti eya wakati n’okukuuma obuyonjo mu maka gaabwe basobole okwewala ensiri ezireeta omusujja.

Yasabye abaami okufaayo ku bulamu bwabakyala baabwe nga bali mbuto kubanga omusujja gubayisa bubi olw’obutafaali obulwanyisa enddwadde okubeera obutono mu musaayi.

Yanyonyodde nti omusujja guno gukosa n’omwana ali mu lubuto ate nga guyinza okuleetera omwana ne nyina bombi okufiirwa obulamu bwabwe.

Abakulembeze b’Obwakabaka mu Ssaza ly’e Busiro baatumiddwa okwongera okunyikiza obubaka bw’okulwanyisa omusujja gw’ensiri mu bantu, n’okulondoola okulaba nga abantu bakozesa obutimba bw’ensiri.

More From The Author

Emboozi z’omuwandiisi endala

Emboozi endala

Munna NRM Wanyoto akubye ak...

Munna NRM eyawangulwa ku kifo ky’omubaka omukyala owa Mbale City, Lydia Wanyoto addukidde mu kkooti Enkulu e Mbale...

Edward Mulyanga akulira bassentebe mu Kasangati nga bamukwasa sitampu.

Bassentebe mulemere ku mazi...

Bassentebe b’ebyalo ku mitendera gya LC1 ne LC11 mu Town Council y’e Kasangati mu Wakiso Disitulikiti bakubiriziddwa...

Ssemakula eyakiikiridde SSLOA  ng'avumirira ekikolwa kya KCCA okubawamba.

Abakulembeze ba Owino bavum...

ABAKULEMBEZE b'ebibiina ebikulira abasuubuzi eby’enjawulo mu katale ka St.Balikuddembe bivumiridde ekikolwa ky'okuwamba...

Ssaabasumba Lwanga (ku kkono) ng’awa ssanduuko ya Msgr. Kato omukisa.

Okuziika Msgr. Katongole ka...

BANNADDIINI ne bannabyabufuzi bavumiridde eby'okukwata abantu ne bakuumirwa mu bifo ebitamanyiddwa. Baalaze okutya...

Rebecca Kadaga.

Sipiika asazeewo ku bantu a...

SIPIIKA wa Palamenti Rebecca Kadaga awadde olukusa ababaka ba Palamenti abava mu bitundu awali abantu abazze bakwatibwa...