TOP
  • Home
  • Amawulire
  • Kayihura nga tannagobwa yasoose kukola nkyukakyuka 53 mu boofiisa

Kayihura nga tannagobwa yasoose kukola nkyukakyuka 53 mu boofiisa

Added 5th March 2018

OMUDUUMIZI wa poliisi ya Kampala East, Siraje Bakaleke anoonyerezebwako ku by’okweyambisa obubi ofiisi ye, akyusiddwa mu nkyukakyuka ezaalangiriddwa IGP , Gen Kale Kayihura nga tannagobwa.

Gen. Kale Kayihura

Gen. Kale Kayihura

Mu nkyukakyuka zino ezaalangiriddwa ku lwomukaaga, Kayihura yakyusizza boofiisa ba poliisi 53 ab’amadaala aga waggulu, abamu n’abagonnomolako agafo ate abalala n’abakuba ku katebe.

Bakaleke aggyiddwa mu kifo eky’obuduumizi obwa Kampala East, Kayihura n’amusindika mu kitongole ekirung'amya ebyobufuzi mu poliisi, ekikulirwa Asan Kasingye ng’agenda kusomesa ebyobufuzi mu poliisi.

Enkyukakyuka zino, Bakaleke zimusanze anoonyerezebwako ku bigambibwa nti, yenyigira mu kubba ssente akawumbi kamu n’obukadde 400 ku bannansi ba South Korea abaali bazze mu Uganda okusuubula zzaabu kyokka ne bagezaako okubatikka ku nnyonyi okubazzaayo ewaabwe wabula ne beekubira enduulu era abamu ku baserikale abeenyigira mu bubbi buno abamu ne bakwatibwa.

Bakaleke, yagguddwaako fayiro bbiri ng’emu ya kweyisa ng’ekitagasa n’amenya amateeka agafuga poliisi ng’eno ekolwako ekitongole kya poliisi ekikwasisa empisa ekya Professional Standards Unit (PSU) ate endala ye y’omusango gw’obubbi eyabadde ekolebwako Flying Squad kati yakwasiddwa poliisi y’e Ntebe.

Abaserikale abaasooka okukwatibwa okuliko; Patrick Ochen, Kenneth Zirintuusa, George Kayongo ne Isaac Munerezo abaalumiriza mu sitatimenti ze baakoze mu Flying Squad nti, byonna bye baakola, baali babikolera ku biragiro bya Bakaleke.

Enkyukakyuka zino wadde Bakaleke zirabika ng’ezimulese nga bamussizza wansi, abatunuulizi b’ebyokwerinda bategeezezza nti ziraga nti, Kayihura amuvuddemu kubanga emisango egimunoonyerezebwako gyandibadde gimuleka bubi nnyo okusingako ku ky’okumutwala ewa Kasingye.

KAYIHURA ATONZEEWO POLIISI ENZIBIZI

Mu nkyukakyuka zino, Kayihura atonzeewo ekitongole ekipya mu poliisi ky’atuumye Police Reserve Task Force, ekigenda okukola nga poliisi enzibizi era n’alonda AIGP Ahmed Wafuba okukiduumira.

Ekitongole kino kyefaananyirizaako eky’amagye ekyatondebwawo okubeeramu abajaasi abalindiridde okuyitibwa okubaako emirimu gye bakola ssinga waliwo obwetaavu nga ne mu poliisi kiteereddwaawo okubeeramu abaserikale abalindiridde okuziba eddibu oba okukola emirimu egy’enjawulo ssinga waliwo obwetaavu.

AIGP Ahmed Wafuba eyali akulira ekitongole ekivunaanyizibwa ku mafuta n’amusindika mu ofiisi ye okutuusa lwe yamulonze okukulira poliisi enzibizi.

Wafuba agenda kumyukibwa SCP Henry Tukanyirwa ng’ono abadde amyuka akulira ekitongole ekinoonyereza mu poliisi (Research anda Planning) ate Steven Tanui abadde omumyuka w’akulira ekitongole ekikkakanya bujagalalo (Field force Unit) atwaliddwa okukulira ebikwekweto.

Mu balala abakyusiddwa kuliko SCP Christopher Kasalawo alondeddwa okuduumira poliisi ekakkanya obujagalalalo (FFP) ,SCP Richard Edyegu ne Anne Tusiime baggyiddwa mu kitongole ekivunaanyizibwa ku kugulira poliisi ebikozesebwa ne basindikibwa mu ofiisi ya Gen Kayihura okukola emirimu egy’enjawulo, Christine Nanding abadde akulira ekitongole ekivunaanyizibwa ku ttaka atwaliddwa okumyuka akulira ekitongole ky’ebyamateeka mu poliisi, Henry Mugumya eyali akulira Special Investigations Unit (SID) e Kireka n’alondebwa okukulira ekitongole ekivunaanyizibwa ku ttaka.

Fadil Kaali yalondeddwa okumyuka akukira ekitongole kya poliisi ekivunaanizibwa ku mafuta, SCP James Acaye y’amyuka akulira ekitongole ekinoonyereza mu poliisi, CP Bazil Mugisha y’amyuka akulira ekitongole ekigulira poliisi ebikozesebwa, Simon Peter Kuteesa yatwaliddwa mu kitongole ky’ebyamateeka.

CP Fred Enanga eyali omwogezi wa poliisi n’omumyuka we, Polly Namaye batwaliddwa mu kitongole ekirung'amya ebyobufuzi mu poliisi nga y’avunaanyizibwa ku byamawulire n’okukuba ebitabo.

Bano baakoma okwogerera poliisi oluvannyuma lwa Gen. Kayihura okuyita omugenzi Andrew Felix Kaweesi ne basigala nga tebakyali ofiisi mwe bakolera. Dennis Namuwoza yaggyiddwa e Kigezi nga kati y’aduumira poliisi mu Kampala South.

More From The Author

Emboozi z’omuwandiisi endala

Emboozi endala

Kabangali etomeddwa bbaasi yonna esaanyeewo mu kabanje akasse abantu abana e Mbarara.

Akabenje katuze 4 e Mbarara...

Abantu bana be bakakasiddwa okufiira mu kabenje akawungeezi kw'olwaleero ku kabuga k'e Rugando mu luguudo lwa Mbarara-Ntungamo...

Omutume John Bungo ne Bp. Joel Kakembo nga boogerezeganya mu lukung'aana lw'okusaba

Musabire eggwanga nga twete...

Abasumba okuva mu bitundu by'eggwanga ebyenjawulo babanguddwa ku ngeri gye basobola okulung'amyamu ekisibo kya...

Nakitto maama wa Amos Ssegawa (mu katono) eyattibwa.

Gavumenti etuliyirire obuwu...

BAZADDE b'abaana abattibwa bagamba nti ekya Museveni okubaliyirira si kibi bakirindiridde naye alina okukimaanya...

Ssendagire omu ku baakubwa amasasi n'afa.

Famire z'abattiddwa mu kwek...

PULEZIDENTI Museveni yayogedde eri eggwanga ku kwekalakaasa okwaliwo nga November 18 ne 19 nga kwaddirira okukwata...

Pulezidenti Museveni ng'alamusa ku bantu be.

Pulezidenti akunze aba NRM ...

Pulezidenti Museveni ayingide mu bitundu by'e Busoga olwaleero mu kukuba kampeyini ze ezobwapulezidenti . Mu...