TOP
  • Home
  • Amawulire
  • Museveni ayogedde ku musujja gw'esiri n'awa minisitule y'ebyobulamu ekiragiro

Museveni ayogedde ku musujja gw'esiri n'awa minisitule y'ebyobulamu ekiragiro

Added 18th March 2018

Museveni ayogedde ku musujja gw'esiri n'awa minisitule y'ebyobulamu ekiragiro

 Pulezidenti ng'annyonnyola

Pulezidenti ng'annyonnyola

PULEZIDENTI Museveni alagidde minisitule y’ebyobulamu okuwa ab’emiruka bonna 5,000 abali mu Uganda obugaali bu maanyi ga kifuba basobole okulondoola abakozesa obubi obutimba bw’ensiri gavumenti bw’egenda egabira Bannayuganda okulwanyisa omusujja.

Museveni era alagidde minisitule okussa obulungi mu nkola eky’okufiira ensiri kiyambe okukendeeza omuwendo gwa Bannayuganda abakwatibwa n’okuttibwa omusujja guno.

N’akunga abakulira abebyobulamu bonna ku disitulikiti n’abalala abakwatibwako okukola buli kisoboka okulwanyisa omusujja gw’ensiri  n’okugumalawo.

Pulezidenti bino yabyogeredde mu kibuga ky’e Kabwohe mu disitulikiti y’e Sheema ng’aggalawo kaweefube w’okugaba obutimba okulwanyisa omusujja gw’ensiri,okusinziira ku kiwandiiko ekyafulumiziddwa amaka g’obwa Pulezidenti.

Museveni yagambye nti mu 2017,omusujja gwakwata abantu obukadde mwenda ne guttako 5,100. N’agamba nti obulwadde buno buletebwa bwavu era butta,okulemeza n’okulemesa enkulakulana y’abantu.

Omusujja gutta abantu nga 150 buli lunaku mu Uganda n’agamba abantu okufuna obutimba bw’ensiri kijja kuyamba nnyo mu kulwanyisa obulwadde buno.E

Bundibugyo, Kagadi ,  Kasese, Mbarara ne  Sheema obutimba 19,160,875 bwe bugabiddwa.

Era yalabudde abantu obuteeyambisa butimba mu kukola kadaali wa mbaga oba okuvuba kwe kulagira ab’ebiruka 5,000 abali mu Uganda bawebwe obuggaali okulondoola obutimba buno obuteeyambisa bubi.Yakunze abantu okugenderawo mu ddwaliro bawone okufa. Yagambye nti minisitule y’ebyobulimi n’obuvubi zikolaganira awamu okussa eddagala mu bidiba okutta amagi g’ensiri.

Yebazizza gavumenti ya America ng’eyita mu kitongole kya Global Fund olw’okuyamba okulwanyisa omusujja.

Omubaka wa America mu Uganda  Deborah Malac yagambye nti America eyambe Uganda ng’egiwa obutimba  era eyagala obulwadde buno butuuke okufumwa mu Uganda.

More From The Author

Emboozi z’omuwandiisi endala

Emboozi endala

Bushira ng’akyali ne Dr. Ssebunnya. Ku ddyo, Kamya yasibye Bushira empeta ya nkusibiddaawo.

Bba wa Rema gwe yaleka afun...

OMUWALA Dr. Hamza Ssebunnya bba w’omuyimbi Rema Namakula gwe yalekawo ayanjudde omusajja omulala ne bamusoomooza...

Daddy Andre eyayanjuddwa Nina Rose. Ku ddyo ye muyimbi Katatumba

Angella Katatumba ali mu ki...

OMUYIMBI Angella Katatumba ali mu kiyongobero olwa muyimbi munne Nina Rose okutwala muninkini we, Daddy Andre n’amwanjula...

Abaserikale nga bakunya omusajja eyabadde n'emmundu.

Bamukutte n'emmundu mu luki...

POLIISI ekutte omusajja eyabadde n’abawagizi ba Joe Biden n’emmundu ejjudde amasasi okumpi n’olukuggaana lwa Pulezidenti...

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...