TOP
  • Home
  • Amawulire
  • Wuuno bbebi Andrew Felix Kaweesi Junior ataalaba ku kitaawe: Akuze

Wuuno bbebi Andrew Felix Kaweesi Junior ataalaba ku kitaawe: Akuze

Added 19th March 2018

BBEBI ataalaba ku kitaawe awa essanyu! Ye mwana wa Andrew Felix Kaweesi era nga naye baamuweera ddala amannya ga kitaawe aga Andrew Felix Kaweesi Junior.

 Andrew Felix Kaweesi Junior

Andrew Felix Kaweesi Junior

Anaatera okuweza omwaka kubanga waali waakayita wiiki emu nga kitaawe attiddwa, ne bamuzaala.

Famire y’omugenzi AIGP Kaweesi eyali omwogezi wa poliisi mu ggwanga ekyafuba okulaba ng’abaana bafuna obulamu obulungi nga kitaabwe bwe yali abawa era abaana bakyasomera mu masomero kitaabwe gye yabaleka.

Abamu ku baana ba Kaweesi babiri bakyasomera ku ssomero lya Kabojja Junior School ate omuwala omukulu ye asomera ku Uganda Marty’s Namugongo.

Ng’ate ye omwana omulenzi omuto eyazaalibwa nga March 24, 2017 ku Lwokutaano mu ddwaaliro e Nakasero naye ali mu mbeera nnungi nga banne era nnyina Annet Kaweesi afuba okulaba nga naye agenda okutuuka okusoma nga waliwo ssente ezinaamutwala mu ssomero.

Omwana ono bwe yaweza emyezi ena baamubatiriza mu maka g’omukungu akola mu ofiisi y’omumyuka wa pulezidenti Kityamuweesi Musubire era ng’ono era ye yakuza omugenzi Kaweesi oluvannyuma lwa bazadde be okufa ng’akyali muto.

Mu ngeri y’emu aba famire y’omugenzi Kaweesi baali si bamativu ku byokwerinda kwabwe, era y’ensonga lwaki baatuukirira abadde ssaabaduumizi wa poliisi Gen. Kale Kayihura n’abawa obukuumi era amaka ga Kaweesi e Kulambiro gakuumibwa abaserikale abasukka mu mukaaga abakuuma omukyala n’abaana ng’atambula n’awaka ssaako ne ku mulimu okwerinda okulaba ng’embeera gye batategeera eyavaako okutta omuntu waabwe teddawo.

Omwogezi wa poliisi mu ggwanga SSP/, Emillian Kayima yagambye nti kituufu okuva muganda waabwe lwe yafa bakyakolaganira wamu ne famire ye era n’obukuumi babubaweera ddala bulungi okulaba nga tewabawo muwatwa gwonna ate.

Yagambye nti wabula ebimu ffamire eno byeba ebasabye nga tebabisobola bagezaako okubitegeeza bakama baabwe ababasingako era akukakasa nti tewali nnyo bitagenda bulungi.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...