TOP
  • Home
  • Amawulire
  • Akakiiko ka Bamugemereire kakunyizza Mulira ku ttaka okuli yunivasite e Mukono

Akakiiko ka Bamugemereire kakunyizza Mulira ku ttaka okuli yunivasite e Mukono

Added 31st March 2018

Akakiiko ka Bamugemereire kakunyizza Mulira ku ttaka okuli yunivasite e Mukono

AKAKIIKO akabuuliriza ku mivuyo gy’ettaka kakunyizza munnamateeka Peter Mulira ne kamulagira annyonnyole ekigendererwa ky’alina olw’okubeera nti buli kadde ateekawo embeera ey’okulwanagana n’Ekkanisa ku ttaka ly’e Ntaawo Mukono kwe baali bookera Abalabirizi mu August wa 2016.

Muliira baamubuuzizza akakwate kalina ku ttaka lino n’ategeeza nti, ye muzzukulu w’omugenzi Ham Mukasa eyawaayo ettaka lino eri ettendekero ly’Ekkanisa erya Bishop Turker Theological College mu 1921 kyokka kati ettendekero eryo lyafuuka Uganda Christian University.

Muliira yannyonnyodde akakiiko nti nnyina omugenzi Rebecca Namugenze Mulira yali muwala wa Ham Mukasa. Yagambye nti ye muzzukulu mu luggya olwo era ye munnamateeka wa famire ya Ham Mukasa kyokka okujja mu kakiiko yazze nga mujulizi oluvannyuma lwa Rev. Dr. John Ssennyonnyi omumyuka wa Cansala wa UCU okujja mu kakiiko ku Lwokusatu n’annyonnyola engeri Ham Mukasa gye yabawaamu ettaka lino eriri ku bulooka 99 poloti 2 Kyaggwe.

Muliira agamba nti ettaka lino ekkanisa baagiwaako liizi ya myaka 99 so si bwannannyini obwenkomeredde. Yaggyeeyo ebyafaayo ku ttaka eryo, n’aleeta n’ebiwandiiko kyokka bwe baamulaze ebbaluwa Ekkanisa gy’egamba nti, Mukasa gye yawandiika ng’abawa ettaka Mulira n’agamba nti eyo njigirire kubanga omukono oguliko tegufaanaana n’ogwa Ham Mukasa oguli ku biwandiiko ebirala. Mulira yazze ne Peter Kasedde Mukasa omusika wa Ham Mukasa aliwo.

Mulira agamba famire eyagala kuzimba ssomero naye tebalina ttaka nga kye basinga okwagala kwe kutuula n’Ekkanisa bakkaanye ku kitundu ky’erina okusigaza ku ttaka lino ne famire esigazeeko kubanga tebalina kigendererwa kya kusengula bantu abaalisengako.

Yategeezezza nti Mukasa we yafiira mu 1956, yali takyasobola kuwandiika obuyinza bw’okukola ekiraamo n’abuwa mutabani we James Mukasa kyokka kirabika ebimu ku byobugagga by’omugenzi byalekebwa ebbali kubanga ne Administrator General lipooti gye yakola mu biseera ebyaddako eringa eraga nti waaliwo ekkobaane okukweka ebyobugagga ebimu ne bitalagibwa nga kwe kuli ettaka lino lye bakaayanira.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...