TOP

Emmotoka esse omwana wa Kayibanda

Added 31st March 2018

Emmotoka esse omwana wa Kayibanda

 Emmotoka eyatomedde mutabani wa Kayibanda.Mu Katono ye mutabani wa Kayibanda

Emmotoka eyatomedde mutabani wa Kayibanda.Mu Katono ye mutabani wa Kayibanda

Jjuuzi emmotoka ya Kayibanda yamuzikirako ng’eweddemu amafuta ku Northern Bypass. Emmotoka yazzeemu okumuzikirako nga temuli mafuta, n’atuma mutabani we agagule kyokka emmotoka gye yamutomeredde n’afa. Kayibanda ng’amannya ge amatuufu ye Godfrey Sseguya yagudde ku kibabu ku Lwokuna ku makya.

Yakedde kusimbula mmotoka okugenda ku Bukedde Fa-Ma gy’akolera. Emmotoka temwabadde mafuta gamala n’emuzikirako nga yaakava awaka e Ganda mu Nsumbi okumpi n’e Nansana. Yatumizza mutabani we Ibra Matovu eyabadde akyebase ne bamuzuukusa agende anone amafuta. Matovu yakutte akadomola n’alinnya bodaboda okunona amafuta, kyokka emmotoka n’emutomera.

Kayibanda yalinze omwana nga tadda. Okuddamu okuwulira nga bamubikira anone omulambo mu ggwanika. Kayibanda yategeezezza; “Nnalinze nga ndaba omwana takomawo kwe kuyita munne ajje amuwondereko kubanga obudde bwe nnina okutuukirako ku Bukedde nalabye buyita.

Nnafunye essimu nga bantegeeza nti omwana afudde. Omwana abadde akuze ng’atandise okukola abadde muzimbi, afiiridde ku myaka 20, talese mwana.” Aba bodaboda baataayizza emmotoka eyatomedde Matovu ne bamuteekamu kyokka we baamutuusirizza e Mulago ng’afudde.

Ddereeva wa mmotoka eno Subaru UAX 453Q, Joel Ibanda 24, ow’e Kyebando - Nsumbi yakwatiddwa ali ku poliiis e Nansana. Kigambibwa nti yabadde atamidde. Yamutomeredde kumpi n’essundiro ly’amafuta erya Stabex nga waakava ku lidda e Gganda. Eyabadde avuga Ronald Lubwama ow’e Nansana Gganda yasimattuse n’ebisago ali mu ddwaaliro e Mulago.

Matovu yaziikiddwa ku Lwakutaano e Mayungwe mu Bulo e Butambala. Kayibanda atera okufuna ebizibu by’emmotoka okuggwaamu amafuta. Gye buvuddeko gaaweddemu ng’ali ku Northern Bypass n’avaamu okugenda okugagula

More From The Author

Emboozi z’omuwandiisi endala

Emboozi endala

Bushira ng’akyali ne Dr. Ssebunnya. Ku ddyo, Kamya yasibye Bushira empeta ya nkusibiddaawo.

Bba wa Rema gwe yaleka afun...

OMUWALA Dr. Hamza Ssebunnya bba w’omuyimbi Rema Namakula gwe yalekawo ayanjudde omusajja omulala ne bamusoomooza...

Daddy Andre eyayanjuddwa Nina Rose. Ku ddyo ye muyimbi Katatumba

Angella Katatumba ali mu ki...

OMUYIMBI Angella Katatumba ali mu kiyongobero olwa muyimbi munne Nina Rose okutwala muninkini we, Daddy Andre n’amwanjula...

Abaserikale nga bakunya omusajja eyabadde n'emmundu.

Bamukutte n'emmundu mu luki...

POLIISI ekutte omusajja eyabadde n’abawagizi ba Joe Biden n’emmundu ejjudde amasasi okumpi n’olukuggaana lwa Pulezidenti...

Dokita ng'agema omwana polio.

Polio taggwangayo - Dokita

GAVUMENTI erabudde Bannayuganda ku bulwadde bwa polio ne balagirwa obutabugayaalirira bayongere okutwala abaana...

Ababbi kkamera be yakutte nga banyaga edduuka e Bunnamwaya.

Kkamera zikutte ababbi nga ...

ABABBI balumbye edduuka ly’ebizimbisibwa e Bunnamwaya ne banyaga ebintu nga tebamanyi nti kkamera ezaabadde munda...