TOP

Kenzo ayaniriziddwa nga muzira mu ggwanga

Added 5th April 2018

Kenzo ayaniriziddwa nga muzira okuva e Bungereza era asabye gavumenti ateeke ssente mu bayimbi olw’omulimu omulungi gwe bakola okuwanika bendera n’okutunda erinnya lya Uganda.

 Eddy Kenzo ku ddyo ng'alaga Stephan Asiimwe engule ze yawaddeyo eri aba Uganda Museum

Eddy Kenzo ku ddyo ng'alaga Stephan Asiimwe engule ze yawaddeyo eri aba Uganda Museum

OMUYIMBI Eddie Kenzo eyawangudde engule eziri  ku ddaala ly’ensi  yonna bbiri mu wiiki emu bamwanirizza nga muzira mu ggwanga.

Yasoose kuwangula ngule ya ‘Best African entertainer’ mu mpaka za  International Reggae and World music Awards (IRAWMA) ezaabadde mu Amerika  kuno kwe yagasse n’eya sereebu asinga okusanyusa abantu mu Afrika (Favourite African Star) mu mpaka za Nickelodeon Kids’ Choice Awards era okuwangula engule eno yamezze baseerebu be yabadde avuganya nabo okuli; omuyimbi Diamond Platnumz (Tanzania), Davido (Nigeria), Cassper Nyovest (South Africa), omuddusi w’emisinde  Caster Semenya (South Afrika) ssaako omuyimbi ate nga muzannyi wa komedi, Emmanuella (Nigeria).

Eddy Kenzo ng'asala keeki n'abakungu okuva mu kitongole ky'ebyobulambuzi ne Uganda Museum.

 

Ng’akabonero okumusiima n’okumujagulizaako obuwanguzi bwe yatuuseeko ng’omuntu ne Uganda,

Kenzo yatuuse mu ggwanga mu kiro ekikeesezza olwaleero nga  yasoose ku bbaala ya Auto Spa gye yayaaniriziddwa abawagizi abaabadde bamulindiridde okuva eggulo emisana.

Leero ku makya akedde ku  tterekero ly'ebyafaayo (Uganda Museum) e Kamwokya gy’ayaniriziddwa abawagizi abalala nga bakulembeddwaamu, Stephan Asiimwe akulira ekitongole ky’ebyobulambuzi mu ggwanga (Uganda Tourism Board).

abamu ku bawagizi ba Eddy Kenzo nga bekubya naye ebifaananyi

 

Eno Kenzo awaddeyo engule ze ssatu (3) okuli n’eya BET  ziteekebwe mu Museum ng’ekyobulambuzi n’okusikiriza emigigi emito okwagala n’okuwagira ensike y’okuyimba.

Mu kwogera yasabye gavumenti okuwagira ensike y’okuyimba ng’eteeka ssente mu bayimbi n’okubaako ebintu ebirala by’ebakolera kibazzeemu amaanyi kubanga nabo bakoze kinene okuwanika bendera y’eggwanga n’okutunda Uganda mu nsi z’ebweru.

Kenzo nga akuba ekimu ku bivuga bwabadde atuuka ku Uganda Museum

 

“Nsaba gavumenti nga bw’ewagira emizannyo ng’eteekamu ne ssente naffe mu nsike y’okuyimba ekikole. Kyewuunyisa okulaba nga Omutanzania Diamond  Platnumz gwe nawangudde olw’okuba yavuganyizza eweabwe yatuukidde wa Pulezidenti ekitali  ku ffe Bannayuganda,” Kenzo bwe yagambye.

Asiimwe eyakiikiridde minisita w’ebyobulambuzi yeebazizza Kenzo olw’amaanyi g’atadde mu myuziki n’obuwanguzi bw’azze atuukako era ne yeeyama ku lw’ekitongole ky’akulira ne ku lwa minisitule ebatwala okuwagira Kenzo n’abayimbi abalala.

More From The Author

Emboozi z’omuwandiisi endala

Emboozi endala

Munnamateeka wa Kyagulanyi, Sseggona (wakati) ng’awayaamu n’omuwandiisi wa NUP, , Lubongoya  (ku ddyo) ku kkooti .

Buubuno obukwakkulizo gavum...

GAVUMENTI eyagala Robert Kyagulanyi Ssentamu (Bobi Wine) alangirire nti tagenda kwetaba mu bikolwa bya kwekalakaasa...

Abantu nga balwana okutaasa ttaanibboyi eyabadde alaalidde mu byuma.

Ensiitaano y'okutaasa ttani...

POLIISI n'abadduukirize kyabatwalidde essaawa 11nnamba okutaasa ttanibboyi Abdu Sserunjogi ebyuma by'emmotoka gwe...

Loodi Meeya Lukwago.

Lukwago anaakolagana atya n...

MUNNAMATEEKA Erias Lukwago 50 asuubirwa okulayizibwa mu wiiki esooka eya June 2021 okutandika ekisanja ekyokusatu...

Kasasiro asuulibwa mu myala ne gizibikira.

15 beesowoddeyo okugonjoola...

ABEESOWODDEYO 15, banaasobola okumalawo ebizibu ebitawaanya abantu ba Kyengera Town Councli ebiremye Abdul Kiyimba?...

Rogers Mulindwa

'Manifesito ya NRM ebyemiza...

ROGERS MULINDWA - OMWOGEZI WA NRM Nsooka okwebaza bannabyamizannyo olw'obuwagizi era njagala okubagumya nti...