TOP
  • Home
  • Amawulire
  • Abanyakula amasimu g'abantu mu jjaamu Poliisi ebakutte

Abanyakula amasimu g'abantu mu jjaamu Poliisi ebakutte

Added 10th April 2018

POLIISI yeezoobye n’abavubuka abagambibwa okubba abantu mu bulipanago ku nguudo z’omu Kampala bwe badde ekola ekikwekweeto okubafuuza.

 Omusirikale ng'aliko by'abuuza Zziwa ne Mubiru abaakwatiddwa ku nga babbira abantu mu jjaamu

Omusirikale ng'aliko by'abuuza Zziwa ne Mubiru abaakwatiddwa ku nga babbira abantu mu jjaamu

POLIISI  yeezoobye n’abavubuka abagambibwa okubba abantu mu bulipanago ku nguudo z’omu Kampala bwe badde ekola ekikwekweeto okubafuuza.

Bino byabaddewo ku Mmande akawungeezi abasirikale okuva ku poliisi ya CPS  bwe baagenze ku Ntebe Road ne bakwata abavubuka babiri okuli; Bernard  Mubiru abeera e Kansanga ne Michael Zziwa oluusu eyeeyita Ssali abagambibwa okwenyigira mu kubba abantu n’okunyakula ebintu mu mmotoka  naddala amasimu ne badduka.

Akulira ebikwekweeto ku poliisi ya CPS, Ivan Nduhura yagambye nti okukola ekikwekweto kino kyaddiridde abavubuka okubba esimu n’ensawo ey’omu ngalo ku mukazi wabula abasirikale abaabadde balawuna ne babalengera ne bakwatako babiri.

“Waabaddewo abavubuka abava mu bitundu nga Kisenyi n’e Nsambya ababadde bajja mu kibuga akawungeezi ne babba ebintu ku bantu naddala mu bulippagano bw'ebidduka obubeerawo era bwe twafuye okwemulugunya okuva ku mukazi eyabadde abbiddwa kwe kugendayo ne tukwatako babiri,” Nduhura bwe yategezezza.

Yagambye nti okukwata abavubuka bano waasooseewo kulwanagana nga bagezaako okukuba abasirikale wabula ne banywezako babiri abalala ne badduka kyokka nga bafunye ebibakwatako era essaawa yonna bagenda kubakwata.

Abaakwatiddwa bakuumirwa ku CPS mu Kampala era bagguddwaako omusango gw’obubbi oguli ku fayiro SD: 81/09/04/2018.

More From The Author

Emboozi z’omuwandiisi endala

Emboozi endala

Bbebi gwe baasudde mu ddwaaliro

Omusajja acankalanyizza edd...

OMUSAJJA acankalanyizza eddwaliro bw'atutte bbebi n'amusuulira abasawo nga abalumiriza obutakozesa bukugu ekyaviirako...

UNRA bataddewo amaato okuso...

ABATUUZE mu ggombolola y'e Galiraaya mu disitulikiti y'e Kayunga ababadde batakyasobola kutambula olw’oluguudo...

Mmeeya Balimwezo ng’ayogera n’abamu ku basuubuzi b’omu katale k’e Nakawa.

Kaabuyonjo y'akatale k'e Na...

EYALOGA omugagga Haruna Ssentongo tannassa mbugo! Anti bamututte mu kkooti nga bbanka ya Orient emubanja obuwumbi...

Maj. Kakooza Mutale asuze k...

MAJ Roland Kakooza Mutale n’ekibinja ky'abajaasi be Basuze ku malaalo ga Kasirye Ggwanga nga bamukungubagira nebamutendereza...

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...