TOP
  • Home
  • Amawulire
  • Famire ya Moze Radio eyimirizza abantu okukuba ennyimba ze

Famire ya Moze Radio eyimirizza abantu okukuba ennyimba ze

Added 12th April 2018

Moze Radio ng’amannya ge amatuufu ye Moses Ssekibogo, ennyimba ze ziteereddwaako envumbo nga tebakkiriza muntu yenna kuddamu kumala gazikuba buli w’asiimidde, okuziddamu, okuzigeegeenya ng’oyimba kaliyoki, okuzisimbulizaamu ebitundu n’obissa mu zizo n’okuzikozesa mu ngeri endala yonna.

 Omugenzi Moze Radio

Omugenzi Moze Radio

Balooya ba Moze era aba Good Lyfe aba Katende Ssempebwa and Company Advocates, baafuulumizza ekiwandiiko nga kirabula buli muntu agwa mu kkowe eryo nti singa tagondera kyasaliddwaawo ajja kuvunaanibwa ng’amateeka agafuga ebiyiiye (copy right) bwe gagamba.

Okukozesa ennyimba zino mu bulango ng’obulanga ebivvulu (drive) oba okulanga ebyamaguzi oteekeddwa kusooka kusasula.

Okuva Moze lwe yafa nga February 1, 2018, oluvannyuma lw’okukubibwa kanyama agambibwa okuba nga ye yali Godfrey Wamala ku bbaala ya De bar e Ntebe, ennyimba ze zaalinnya bbeeyi ng’oyinza okugamba nti ze zisinga okukubibwa mu biduula n’emikutu emirala.

Kigambibwa nti abantu baalumwa olw’engeri gye yafaamu ne basalawo okwekubagirizza ku nnyimba.

Abayimbi ennyimba baziyimba nga bwe ziri mu bivvulu nga waliwo eyeeyita Erio Disc ng’essaawa eno yeeyita Moze olw’okumufaanana na ddala akalevu.

Buli kivvulu asooka kweyanjula nga Erio muganda wa Moze Radio, n’atandika okuyimba ennyimba okuli olwa ‘Juicy Juicy’, n’amaliriza n’ezize ng’abantu bamaze okucamuka.

Ekiwandiiko tekyannyonyodde oba Weasel naye talina kuziyimba wabula engeri gy’ali wa kibiina kya Good Lyfe era nga Moze ky’ekibiina mwe yaziyimbira nga baaziyimba bombi, etteeka terimukwata.

We baakolera ekivvulu ky’okuweza emyaka 10, baali beegasseeko erinnya eppya erya RAW ekitegeeza Radio And Weasel era ng’ekibiina kya Angel Music ky’ekivunaanyizibwa ku nnyimba empya ze baali batandise okufulumya nga bwe kiri ku ‘Gutamiiza’.

Ekiwandiiko kiraga nti Angel Music y’erina yokka okugaba olukusa lw’okukozesa ennyimba za Moze Radio.

More From The Author

Emboozi z’omuwandiisi endala

Emboozi endala

Ab'e Korea batandise kampey...

AB’E Korea bali mu kugaba musaayi okumala ennaku ttaano okutaasa bannaabwe abakwatibwa ekirwadde kya Corona.

Omubaka Amelia Kyambadde nga yeegasse ku batuuze okukola bulungibwansi

Abakulembeze mwongere amaan...

EKIBIINA ky'obwannakyewa kikulembeddemu abatuuze b'e Mpambire ne bakola bulungibwansi omubaka Amelia Kyambadde...

Omugenzi Maj. Gen. Eric Mukasa

Kabaka atenderezza munnamag...

KABAKA Ronald Muwenda Mutebi II akungubagidde omugenzi Maj.Gen. Eric Mukasa gwayogeddeko ng’omu ku bavubuka abazira...

Ebiragiro by'akakiiko k'ama...

EBIRAGIRO by'akakiiko k'amasaza bitemyemu abaddukanya ttiimu ezenjawulo ng'abamu babiwagira ,ate ng'abalala bawera...

Aba akeedi bawanjagidde Gav...

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa...