TOP

Muzaata komya okunaawuula entalo - Bp Kisekka

Added 13th April 2018

OMULABIRIZI w’e Luweero eyawummula, Evans Mukasa Kisekka alabudde Sheikh Nuhu Muzaata Batte akomye okunaawuulanga entalo buli kakedde.

Yamujjukizza olumu omukolo gwe yaliko n’ayogera nti abatawasa bakyala basukka mu omu sseggwanga y’enkoko ebasinga kubanga ebeera n’enkazi eziwera.

Bp Kisekka bwe yabadde yaakawummuza omuzindaalo ate ne Katikkiro w’ekika ky’Engabi, Sseguya Nsamba n’ayongera okukomerera Muzaata n’amusaba akomye okusosola mu ddiini n’okulumbanga buli omu.

“Enkya n’owulira nti Muzaata yavumye ono, luli yakubye oli, ggwe munnaffe onookomya wa obukambwe?” Nsamba bwe yabuuzizza Muzaata eyabadde anekedde mu kkanzu enjeru n’entalabuusi.

Byabadde ku kyalo Kalasa mu Bulemeezi mu maka g’omugenzi Fredrick Ssebyala ku Lwomukaaga wiiki ewedde ku mukolo gw’okwebaza Katonda olw’emirimu emirungi gye yasobozesa omugenzi Ssebyala okukola mu bulamu.

Kisekka yakuutidde bamulekwa okuba obumu n’omusika wa Ssebyala, Edward Mulindwa n’obutanaawuulanga ntalo.

Bp. Kisekka yagambye nti, “Mwewale okuyombagananga kuba muno mwe muva entalo ezitaliimu kalungi,” Yakyukidde Muzaata n’amusaba ave mu ntalo ezitatadde kuba tezirina gye zimutwala.

Omusika Mulindwa yeebazizza baganda be abakuumye obumu okuva kitaabwe lwe yabavaako, n’abantu b’ekitundu ababakumyekumye mu bbanga ery’omwaka kitaabwe ly’amaze ng’afudde.

Ssozi Ssewannonda eyabadde kalabaalaba w’omukolo bwe yayise Muzaata okwogera eri abantu, ku mulundi guno yalabise nga mukkakkamu.

Muzaata yasiimye bannaddiinii n’akubiriza abantu okusiima emirimu gye bakola kuba si myangu.

“Bannaddiini babalyowa emyoyo, bababuulirira, babasabira ebirungi okuva eri Katonda, ate ne baweesa emikolo gyammwe ekitiibwa naye mmwe mubakolera ki? Mulowooza balya Bayibuli?” Muzaata bwe yabuuzizza.

Omutaka omukulu w’ekika ky’Engabi, Alozius Magandaazi Lubega Ssaalongo yakuutidde bamulekwa n’Abengabi okutwala eky’okulabirako ky’omugenzi Ssebyala.

More From The Author

Emboozi z’omuwandiisi endala

Emboozi endala

Agugulana ne KCCA atiisizza...

HAJJI Rashid Ssenyonjo Musisi atiisizza okukung'anya famire ye batuule mu luguudo ompi n'amayumba ge e Lweza...

Trump anywezezza ebyokwerin...

Abaserikale abamukuuma beebulungudde White House okuva mu ggye erimanyiddwa nga The Washington, DC National Guard,...

 Mwamula Juma, the UPTU General Secretary speaking the press in Kampala. Looking on is a member of UPTU. Courtesy photo

Uganda Private Teachers Uni...

Mwamula Juma, the UPTU General Secretary said the government directive is more of a populist voice than a realistic...

 Kayiwa

Munnamakolera asabye Gav't ...

MUNNAMAKKOLERO Steven Kayiwa nga y'akiikirira Bannamakkolero mu lukiiko lwa Buganda olukulu asabye gavumenti eyawakati...

Bagabidde abakozi b'Abachin...

MINISITULE y'ebyobulamu egabidde abakozi mu b'omu nnimiro z'abachina abalimira omuceere mu Lwera n'abavubi b'oku...