TOP

Togikwatako:Lukwago awozezza

Added 14th April 2018

Togikwatako:Lukwago awozezza

BALOOYA abaagala kkooti esazeemu etteeka eryaggya ekkomo ku myaka gya pulezidenti basabye kkooti esazeemu emyaka ebiri ababaka ba palamenti gye beeyongeza bwe baali bayisa etteeka ly’ekkomo ku myaka.

Looya Erias Lukwago Lukwago eyakiikiridde akulira oludda oluwabula gavumenti Winnie Kiiza ye yakoze okusaba kuno ng’agamba nti akawaayiro 2 ne 8 ak’etteeka ly’ekkomo ku myaka obwayongezaayo ekisanja ky’ababaka ba palamenti okuva ku myaka 5 ne batuuka ku 7 bukontana ne Ssemateeka.

Lukwago yeegatiddwaako looya Wandera Ogalo eyakiikiridde ekibiina kya Uganda Law Society ne bagamba nti sipiika yakola emivuyo mingi bwe yali akubiriza palamenti ng’eteesa ku bbago lino era ekisanja ky’ababaka ba palamenti kiteekwa okuzzibwayo ku myaka 5 nga bwe kyali.

Abalamuzi abawulira omusango gwa ‘Togikwatako’ babatadde ku nninga bannyonnyole kkooti ensobi sipiika wa palamentti Rebecca Kadaga ze yakola palamenti bwe yali eteesa ku bbago. Omulamuzi Kenneth Kakuru yabagambye nti okumala googera nti obuwaayiro buno bukontana ne Ssemateeka tekimala balina okuwa kkooti ensonga nayo kw’eneesinziira okukkiriziganya nabo bw’eneeba esala omusango. Lukwago yagambye nti: Enkola palamenti ne sipiika Rebecca Kadaga gye bayitamu okuyisa etteeka lino yali ekontana ne Ssemateeka.

Yagambye nti mu bbago lya Magyezi eky’okwongeza ekisanja ky’ababaka ba palamenti n’aba LC 5 tekyalimu wabula kyakukusibwa ne kigattibwamu era ababaka abeeyagaliza bokka bwe balaba nga nabo balina engeri gye bagenda okuganyulwamu nga bawagidde eky’okukwata mu Ssemateeka nabo kwe kulonda ebbago ne lifuuka etteeka.

Baaleese n’obujulizi bw’ebiwandiiko okuli enteesa za palamenti okuva September 27, 2018- December 19,2018 ebbago lya Magyezi lwe lyaleetebwa mu Palamenti. Obujulizi bulaze nti enfunda bbiri Sipiika yanenya akulira akakiiko k’ebyamateeka, Jacob Oboth -Oboth olw’okwongera ekiteeso ky’okwongezaayo ekisanja ky’ababaka ba palamenti kyokka nga mu nsonga ze yamuweereza akakiiko kateeseeko tekyalimu.

Lukwago yagambye nti n’ababaka abatuula ku kakiiko k’ebyamateeka tewali mubaka yenna gwe beebuzaako ku kiteeso ky’okwongezzaayo ekisanja kya babaka kyokka bbo ne bakikukusa mu bbago lya Magyezi ekintu ekyali kikontana n’amateeka agafuga entuula za palamenti ne Ssemateeka.

Male Mabiriizi naye yategeezezza abalamuzi nti ensonga y’ababaka okweyongeza ekisanja yali eteekwa okutuukako mu Bannayuganda balonde oba nga bakkiriziganya nabo kubanga be basindika ababaka mu palamenti oluvannyuma lw’okubalonda. Byo ebyokwerinda ku kkooti e Mbale byayongedde okunywezebwa oluvannyuma lwa poliisi okufuna amawulire nti pulezidenti wa FDC yabadde alina abawagizi b’akunga okugenda ku kkooti.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....