TOP
  • Home
  • Amawulire
  • Kirumira alangiridde okuvuganya MinisitaKyambadde ku bubaka zaabike emipiira

Kirumira alangiridde okuvuganya MinisitaKyambadde ku bubaka zaabike emipiira

Added 21st April 2018

MOHAMMAD Kirumira olwamusalidde ekibonerezo ky’okumuggyako amayinja abiri, n’alangirira nti asazeewo kuyingira mu byobufuzi avuganye minisita Amelia Kyambadde ku kifo ky’obubaka bwa Palamenti mu Mawokota North.

 Minista Amelia Kyambadde ne Kirumira Muhammad

Minista Amelia Kyambadde ne Kirumira Muhammad

‘Abataka b’e Mawokota bansabye nneesimbewo era nange sijja kubatenguwa nsazeewo mbaweereze mu palamenti’, Kurumira bwe yategeezezza.

Yagambye nti akimanyi nti minisita Kyambadde muntu wa nsimbi era ye nga Kurumira tayinza kumwenkana mu byansimbi naye ebinaddirira byakusalwawo balonzi mu kalulu.

Yagambye nti tajja kukubisa bipande kuba ye ye kipande naye ne bwe kinaaba kyetaagisa kalulu kukanoonyeza ku kagaali ajja kukisobola.

Yeegeraageranyizza ku bantu be byafaayo mu Bayibuli nga Daudi eyatta Goliyaasi, nti baali bamunyooma naye yatta omusajja nnaggwano n’ayogera ku Yesu nti yazaalibwa mu kiraaro kya nte naye yajja n’obubaka n’afuna abagoberezi abatamanyiddwa bungi na buli kati.

Yayogedde ku by’ensimbi n’agamba nti abantu abaagala byakola bajja kuzimuwa entonotono n’awa ekyokulabirako nti mikwano gye abali ebweru w’eggwanga baamuweerezza dda obubaka nga bamuwagira nti ekiseera bwe kinaatuuka, bajja kumukwatizaako ku byensimbi.

Kirumira agamba nti ng’oggyeeko okukiikirira ekitundu kya Mawokota North, ayagala kugenda mu palamenti alwanirire embeera y’abaserikale ba poliisi omuli ensasula embi, okusula obubi, obusosoze n’ebirala ebibanyigiriza.

Yagambye nti ayagala kusisinkana pulezidenti Museveni amusabe amuyambeko okumwanguyiza okuwummula emirimu gya poliisi ate awummule n’amayinja ge agaamuggyiddwaako era yeeyambise omukisa guno okumutegeeza kawukuumi akyali mu poliisi.

Yayogedde ku bukulembeze obupya mu poliisi n’agamba nti butambula bulungi nti kyokka bukyalina omulimu munene okutereeza ekitongole kino kuba kikyalimu abantu abakyamu bangi abeetaga okugobamu.

Kirumira kkooti ya poliisi gwe yawadde ekibonererezo ky’okuggyibwako amayinja abiri oluvannyuma lw’okusingisibwa emisango eno, agaanyi okukkiriza ekibonerezo n’ategeeza nti ajja kujulira.

Emisango egyamusinze kuli; okulaga abasibe okuli n’owa poliisi eri ab’amawulire, okukozesa obubi obuyinza bwe n’agoba abatuuze ku kyalo, okulagajjalira omulimu gwe ekyavaako abasibe okutoloka, n’okulya enguzi.

Wabula yaggyiddwaako emisango ena okuli; okubba capati, ogw’okuggya enguzi ku Hassan Kayongo, okukwata Kefa Awongi n’amuggyako enguzi ya 41,000/-, okulya enguzi ku George Kalera ya 1,300,000/, n’okuggya enguzi ku Robert Kaleeefu.

Omuduumizi wa poliisi mu ggwanga, Martin Okoth Ochola yategeezezza ababaka ba palamenti nti enneeyisa ya Kirumira yeetaaga kukolwako nnyo kuba bamubuuliridde emirundi egiwera naye agaanyi okukyusaako.

Yagambye nti kyabadde kituufu Kirumira okumuwozesa nga tewali b’amawulire kuba buli lw’alaba kamera yeefuula bbereeje kyokka n’avumirira ekikolwa ky’okukuba bannamawulire abaabadde ku mulimu gwabwe era n’asuubiza nti ajja kukinoonyerezaako.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...