TOP
  • Home
  • Amawulire
  • Galiwango ow'ebijambiya bamututte mu kkomera e Luzira

Galiwango ow'ebijambiya bamututte mu kkomera e Luzira

Added 21st April 2018

MUSA Galiwango poliisi gwe yakubidde amasasi e Ntungamo ng’agambibwa okwenyigira mu bubbi bw’ebijambiya akuumirwa obutiribiri mu kkomera e Luzira ng’ayolekedde okuggulwako emisango egiyinza okumutwazisa mu kkooti y’amagye.

 Gakliwango

Gakliwango

Omwogezi w’ekitongole ky’amakomera, Frank Baine yategeezezza nti, Galiwango akuumirwa mu kkomera e Luzira ng’ali mu ddwaaliro ly’ekkomera ajjanjabibwa olw’ebiwundu by’amasasi bye yafuna.

Galiwango yatoloka mu kkooti e Masaka ne Muhammad Kiddawalime. Kiddawalime ye yasooka okukwatibwa ne bamukuba amasasi agaamutta e Kalungu.

Baine yagambye nti bw’anaawona ayinza okuwerennemba n’emisango egikunukkiriza mu 20 nga kuliko egy’obutemu, obubbi, okugezaako okutemula, okutoloka mu kkomera, okubeera n’ekissi n’emirala.

Musa Galiwango yatoloka ne munne Kiddawalime mu kkooti. Baddamu okutigomya abantu era Kidawalime yattibwa e Mukoko - Kalungu ewa Reste Nakyambadde eyatemya ku balirwaanwa ne bakubira poliisi n’ebazingiza ye (Galiwango ) n’adduka.

Nakyambadde omusawo mu ddwaaliro ly’e Bukulula, Pulezidenti Museveni yamusisinkanye n’amukulisa okukolebwako ebikolobero.

CRIME PREVENTER EYALI NE POLIISI ABANJA

Ebyo nga biri bityo, Mike Kyakuwa ‘Crime Preventer’, eyali ne poliisi nga bakwata Kiddawalime agamba nti, yayamba owa poliisi Twinomugisha,okunyweza Kiddawalime, akiise ensingo olwa banne bwe baali ne basiimibwa kyokka ye n’alekebwa ebbali.

N’agamba nti akyanyiga ebisago bye yafuna ng’alwanagana ne Kiddawalime nga akola kinene okulaba nga bamufunza kyokka bvwe baatuuse okusiima tewali yamulowoozezzaako.

Kyakuwa agamba nti wadde y’omu ku baagabana ku bukadde e 10 ezaabaweebwa ekitongole ky’amakomera, nti naye era zaggwaawo kubanga yafuna 1,660,000/- n’awaako banne abamuyamba okulwanyisa obumenyi bw’amateeka ku kyalo.

Era ssente ze zimu zaakozesa okwejjanjaba ate ng’asula mu loogi olw’okutya abeebijambiya okumulumba mu ngeri y’okwesasuzza.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...