TOP

Omujjuzo ng'abantu bazzaako essimu

Added 21st April 2018

ABANTU bakyagenda mu maaso n’okweyiwa ku maduuka agatunda layini z’essimu okusobola okuzzaawo ennamba zaabwe ezaababbibwako.

Bano baabadde ku Shoprite mu Kampala wakati nga baagala kuzzaako ssimu zaabwe.

Bano baabadde ku Shoprite mu Kampala wakati nga baagala kuzzaako ssimu zaabwe.

Ebifo okuli Shoprite Lugogo, Kampala Road, Shoprite mu Kampala, Ntinda, Bukoto, Bugoloobi n’ebifo ebirala byonna bikwatiridde abantu ab’enjawulo abaagala okuzzaako amasimu gaabwe oluvannyuma lw’okumala ebbanga erigenda mu myezi ebiri nga Gavumenti eyimirizza okuzzaako nnamba y’essimu ebuze.

Kyokka Gavumenti bwe yalangiridde nga bw’eggyeeyo ekiragiro kye yali yassa ku kkampuni z’essimu ng’eyita mu kitongole ekivunaanyizibwa ku byempuliziganya ekya Uganda Communications Commission (UCC) abantu bakeera kweyiwa mu bino bino bazzeeko amasimu gaabwe.

Abantu bangi ababbiddwaako essimu babadde bali mu maziga kubanga buli kintu kye babadde bakolera ku ssimu kibadde kiyimiridde. Okukuba essimu omuntu kibadde kimwetaagisa kweyazika oba okubyesonyiwa.

Kati okuzzaako essimu olina okugenda ne densite y’eggwanga, ebbaluwa ya poliisi ekakasa nti waloopa okubula kw’essimu, nga tesukka mu mwezi n’obusente obutono obutasukka 3,000/-.

Kyokka abantu abamu baateganidde busa oluvannyuma lw’okusimba ennyiriri kyokka ng’ebbaluwa za poliisi ze balina nkadde nnyo ne bazibagobya.

Joan Nanteza omutuuze w’e Komamboga y’omu ku bafunye ekizibu kino.

Ate Faith Bugozi omwogezi wa kkampuni ya Airtel Uganda agambye nti, ebifo we baddizaako essimu birambikiddwa bulungi okuli Lugogo Forest Mall, Kampala Road ku kitebe kya Airtel, Bugoloobi, Bukoto ng’ebifo bikyali bitono kubanga obuuma obwaweereddwaayo butono ddala.

Ibrahim Bbosa omukwanaganya wa UCC n’abantu akakasizza nti buli eyabulwako ‘siimu kaadi’ egenda kuzzibwako singa ekyuma bwe kisoma ebikukwatako nga by’ebyo byennyini ebikwatagana n’essimu.

Kyokka singa kisangibwa nga tebikwatagana oba togenda kugifuna.

Yagambye nti obuuma buno baakafunako butono nga buli kkampuni ya ssimu yaweereddwa obuuma 10 okutandika naye nga basuubira okwongera ku bungi bw’obuuma buno kuba obwetaavu bungi.

More From The Author

Emboozi z’omuwandiisi endala

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...