TOP

Minisita atumizza omwana akeberwe ne Walukagga

Added 22nd April 2018

MINISITA avunaanyizibwa ku nsonga z’abaana n’abavubuka, Florence Nakiwala Kiyingi asindise abaserikale ba Flying Squad e Mubende baleete omwana nnyina gw’alumiriza nti yamuzaala mu muyimbi Mathias Walukagga kyokka ng’amwegaana.

 Namugerwa n’omwana gw’agamba nti, wa Walukagga.

Namugerwa n’omwana gw’agamba nti, wa Walukagga.

Nakiwala Kiyingi yategeezezza nti, ekyamusindisizza abaserikale yamaze kufuna mawulire nga bwe waliwo olukwe olwakoleddwa okuwamba omuwala ono n’omwana we bababuzeewo.

Minisita Nakiwala Kiyingi yalagidde baserikale bano bagende e Mubende baggyeyo omwana ne nnyina babaleete e Kampala era nga kyasaliddwaawo omwana akuumirwe mu kifo omulabirirwa abaana eky’e Naggulu asooke afune obujjanjabi olw’embeera embi gy’alimu oluvannyuma bamutwale aggyibweko omusaayi.

Wabula Walukagga yeemulugunyirizza minisita Nakiwala olw’amaanyi g’atadde mu nsonga eno ng’ate abaana ba Uganda baalaba bangi ababonaabona kyokka nga tebafiiriddwaako.

Kyokko minisita yamwanukudde nti ensonga za Walukagga yazisoma mu mawulire kye yava asitukiramu okuyamba omwana ono.

Minisita Nakiwala agamba nti ky’ayagala kukakasa nti, omwana ono afuna kitaawe omutuufu era alabirirwe.

Yagambye nti okumalawo bino byonna kukebera Walukagga na mwana ono bakakase ekituufu.

Kyokka yeeyamye nti singa ebinaava mu musaayi biraga nti, omwana si wa Walukagga, amaanyi gamutaddeko ge gamu g’ajja okussa ku muwala ono olw’okumwonoonera erinnya. Yakiggumizza nti, talina lutalo lwonna na Walugagga kuba muntu alina bw’ayamba eggwanga tayinza kuba na kigendererwa kya kumusanyaawo.

Bino byonna biddiridde omuwala Aisha Namugerwa eyali akola obwahawusigaalo ewa Walukagga okuvaayo n’amulumiriza nti yamuzaalamu omwana n’agaana okumulabirira.

Walukagga agamba nti, omuwala ono tamwagalangako era ye akimanyi ono yali ayagalana n’omu ku bazinyi be ayitibwa Twaha Mawanda.

Ye Mawanda akkiriza nti yayagalako ku muwala ono nti kyokka bw’abala ebiseera mwe yazaalira, omwana si wuwe.

Omuwala alumiriza Walukagga nti bwe yali yaakazaala yamukubira essimu n’amutegeeza nti azadde era Walukagga n’amulagira akube omwana ekifaananyi akimuweereze.

Omuwala agamba nti ekifaananyi yakiweereza kyokka Walukagga bwe yakirabako, n’ategeeza nti, omwana yalina omutwe munene nnyo ate ng’ewaabwe tebazaala baana ba mitwe minene era okuva olwo Walukagga n’abeesalirako ddala n’okutuusa kati ng’omwana aweza omwaka gumu.

More From The Author

Emboozi z’omuwandiisi endala

Emboozi endala

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...

Lubega

Ebikonde sibyevuma - Lubega

OMUGGUNZI w'ehhuumi, Joey Vegas Lubega annyuse ebikonde oluvannyuma lw'emyaka 23 bukya alinnya kigere kye ekisooka...

Donald Trump

Trump alemeddeko ku by'akal...

EBY’AKALULU ka ssaayansi byongedde Donald Trump n’ategeeza nga bw’ali omusajja omukulu atayinza kukkiriza kuleka...

Paapa eyawummula Joseph Aloisius Ratzinger

Paapa Joseph Aloisius Ratzi...

PAAPA Benedict XVI eyawummula ng’amannya ge ag’obuzaale ye Joseph Aloisius Ratzinger muyi. Ratzinger 93 obulwadde...

Abaabadde balambula ppaaka ekolebwa.

Abakola ppaaka enkadde bale...

Bakansala ba KCCA abatuula ku kakiiko akateekerateekera ekibuga n’okuzimba nga bali wamu n’abakugu baalambudde...