TOP

Walukagga apondoose n'atuuma omwana erinnya

Added 25th April 2018

Walukagga apondoose n’atuuma omwana erinnya

 Namugerwa akuumirwa mu kimu ku bifo bya Gavumenti ekitannamanyika. Mu katono ye Walukagga.

Namugerwa akuumirwa mu kimu ku bifo bya Gavumenti ekitannamanyika. Mu katono ye Walukagga.

MATHIAS Walukagga apondoose n’akkiriza okulabirira omwana wa yaaya. Amutuumye erinnya ly’ekika, n’ategeeza nti eby’okumukebera omusaayi si wa kubimaliramu budde.

Walukagga yategeeza nga bw’atagenda kugenda mu kyuma kumuggyako musaayi okuzuula endagabutonde, yeekyusizza n’akkiriza nti, ng’omwana bwe yamufunidde edda n’erinnya n’ategeeza nti, “minisita teyeemenya nze omwana namuwadde dda erinnya.

Ye Kabazzi ery’omukulu w’ekika kyange eky’Akasimba”. Yategeezezza nti ekimukozesezza kino amaze kukizuula nti waliwo olukwe olupangiddwa nga ne bwe banaamukebera era ebbaasa egenda kuvaayo ng’eriko mannya ge nti ye kitaawe w’omwana.

Yagasseeko nti, “njagala Gavumenti eggyeyo omwana ne maama we gye babakwese twogere ku kya ssente mmeka ze baagala okubawa buli mwezi oba wiiki kubanga nze nkooye katemba gwe bantaddemu.” Walukagga akombye ku ppaasi n’agamba nti minisita Nakiwala Kiyingi by’aliko yeerimba eby’okumukebera omusaayi okuggyako nga bamusindikidde poliisi emukwate naye talina gy’alaga. Kyokka kino Gavumenti si ky’eyagala ekyalemeddeko nti, eyagala bamukebere omusaayi bazuule taata w’omwana omutuufu awatali kubuusabuusa.

Minisita omubeezi ow’ensonga z’abaana n’abavubuka, Florence Nakiwala yagambye nti abakozi ba minisitule be yalagira okukola ku nsonga z’okukebeza Walukagga n’omwana gwe yeegaana bwe bamalirizza enteekateeka zonna ezeetaagisa.

Kyokka teyalambuludde ku kya mpapula za kkooti n’olunaku lwe bagenda ku musaayi ng’agamba nti, ali wakati mu lukiiko tasobola kwogera kiwanvu.

Walukagga yasooka kutegeeza nga bw’ali omwetegefu okugenda ku musaayi bamukebere okuzuula oba nga ddala omwana wa Aisha Namugerwa eyali omukozi we oba ye kitaawe. Yagamba nti okukebera omusaayi kye kyali kigenda okwanika obulimba bw’abakazi.

Kyokka oluvannyuma yejjulula n’agamba nti tajja kulinnyayo kuba omuwala tamwagalangako ng’olubuto terulina ngeri gye lusobola kuyita mu bbanga. Namugerwa agamba nti yali akola obwayaaya ewa Walukagga e Maya mu 2015, nga mukyala wa Walukagga ayitibwa Mariam taliiwo nti era gwe mukisa Walukagga gwe yakozesa okukakkana ng’amufunyisizza olubuto.

Ayongera okulumiriza nti Mariam bwe yakomawo mu maka, Walukagga yamugamba nga bw’atagenda kusobola mukazi we era n’amuwa amagezi agira adda e Kasambya mu disitulikiti y’e Mubende. Mu kiseera ekyo agamba nti yali amaze okufuna olubuto nga lwa myezi esatu era nga ne Walukagga akimanyi.

Oluvannyuma yamuwa amagezi baggyemu olubuto, kyokka bwe yeebuuza ku nnyina n’amuwabula nti takigeza kuba kyali kiyinza n’okumuleetera okufiirwa obulamu. Omwana mu kiseera kino wa mwaka gumu n’emyezi kkumi era nga bwe yazaalibwa Walukagga baamutegeeza. Okusinziira ku Namugerwa, Walukagga yeegaana n’amugamba asooke amuweereze ebifaananyi.

Yamusindikira ssente 30,000/- ku ssimu, kyokka olwatunula ku bifaananyi n’amutegeeza nti, ye tazaala baana ba mitwe minene. Okuva olwo Walukagga yagaana okuddamu okwogeraganya n’omuwala era nga mu kiseera kino ne bw’akuba ku nnamba ye ey’essimu tekyayitamu

More From The Author

Emboozi z’omuwandiisi endala

Emboozi endala

Minista Haruna Kasolo ng'asomesa ku kwekulaakulanya n'enkozesa y'ensimbi za MYOOGA

Abatuuze b'ekira basomesedd...

MINISITA omubeezi akola kunsonga z'ebibiina byobwegassi Kyeyune Haruna Kasolo, akubiriza abantu okwebereramu nga...

Aba Twaweza bafulumizza ali...

KUNOONYEREZA kuzudde nti ab’enganda okusaba abantu babwe sente okubayambako okuvvuunuka embeera kifuuse kyabulijjo...

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...