TOP
  • Home
  • Amawulire
  • Akwatiddwa ku by'okutta omukulu w'essomero e Rakai

Akwatiddwa ku by'okutta omukulu w'essomero e Rakai

Added 27th April 2018

POLIISI ng’eyambibwako ebitongole by’ebyokwerinda bakutte Omutanzania agambibwa okubeera mu kibinja ekyasse eyali omukulu w’essomero lya Gavumenti erya Kabaale Primary School e Rakai.

 Najjagwe eyatiddwa.

Najjagwe eyatiddwa.

Didas Lucas ye yakwatiddwa nga baamuggye mu disitulikiti y’e Mukono.

Ettemu lino lyabaddewo wiiki ewedde e Luseese - Beteleemu mu ggombolola y’e Nabigasa mu disitulikiti y’e Kyotera, abatemu bwe baalumbye Sulaina Najjagwe 60, ne bamutta mu bukambwe ne batwala n’ebimu ku bintu by’omu nnyumba omwabadde ne ttivvi.

Kigambibwa nti Didas Lucas yali omukozi mu nnimiro ya Najjagwe nga yali amugobye nga kirabika kye kyamunyiizizza n’asalawo okumutta. Kigambibwa nti Lucas bwe yamaze okutta Najjagwe n’addukira e Kisoga e Mukono gye baamukwatidde.

Eteemu lino lyasattizza ab’e Kyotera nga balowooza nti abeebijjambiya be baabadde balumbye ekitundu kyabwe.

Abakulembeze nga bali ne ssentebe wa disitulikiti y’e Kyotera Patrick Kintu Kisekulo ne Robert Benon Mugabi ow’e Rakai baavaayo ne bategeeza nga bwe bagenda okukola kyonna ekisoboka okulaba ng’ettemu balimalawo mu kitundu kyabwe.

Kintu Kisekulo bwe yali mu lumbe yategeeza nga bwe yali aweze zzaala, luddo n’amatatu ng’agamba nti abavubuka bazannya olunaku lulamba ne balemererwa okukola emirimu egivaamu ssente.

N’agamba nti abavubuka abaggwa mu kiti kino ssente bwe zibabula nga balumba abantu be bateeberezza nti bazirina nga babatta n’okubatuusaako obulabe.

RDC w’e Kyotera, Pamela Watuwa naye yalaga okutya olw’abantu abasatu abattibwa olunaku olumu mu bifo ebyenjawulo e Kyotera n’ategeeza nga abeebyokwerinda bwe batatudde wabula bakola butaweera okulaba nga abatemuy bakwatibwa era bavunaaninwe.

Omwogezi wa poliisi e Masaka, Lameck Kigozi yategeezezza nti, mu kunoonyereza kwabwe baasobodde okukwata Lucas eyali omukozi mu nnimiro ya Najjagwe nga baamusanze Kisoga gye yabadde yeekukumye.

N’agamba nti Lucas okudduka yasooka kumanya nti poliisi n’abeebyokwerinda abalala bamulinnya kagere era abantu baayambye poliisi okumuzuula gye yabadde yeekwesse.

Kigozi yagambye nti wadde Lucas yakwatiddwa poliisi ekyagenda mu maaso n’okunoonyereza okuzuula abantu abalala babadde akolagana nabo.

Najjagwe yagenze okuttibwa nga poliisi yalamala okukwata Musa Galiwango ne Muhamad Kiddamalime ng’amaze okuttibwa nga bano be batemu abeebijambiya abaatoloka nga batwaliddwa mu kkooti e Masaka okuvunaanibwa okutta n’okulumya abantu mu kitundu kya Greater Masaka.

Galiwango ejanjabirwa mu ddwaaliro ly’e kkomera e Luzira.

More From The Author

Emboozi z’omuwandiisi endala

Emboozi endala

Omulimu gw'okuddaabiriza Nk...

Abaasomerako ku ssomero lya Nkumba P/S bayingidde omutendera ogw'okusatu mu kuddaabiriza ebizimbe ku ssomero lino...

UGANDA EKWATA KISOOKA MU AF...

OMUWANDIISI w'enkalakkkalira mu minisitule y'ebyobulamu Dr Diana Atwine abugaanye essanyu oluvanyuma lw'okufuna...

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu