TOP

Bannaddiini batabaganye okubunyisa enjiri

Added 1st May 2018

Bannaddiini batabaganye okubunyisa enjiri

 Paasita Kayanja owa Miracle Center Church ne bannaddiini abalala nga basala keeki

Paasita Kayanja owa Miracle Center Church ne bannaddiini abalala nga basala keeki

ABAKULEMBEZE okuva mu nzizikiriza ez’enjawulo ezikkiririza mu mukama waffe Yesu Kristo, batabaganye n’ekigendererwa ky’okubunyisa engiri ya Yesu awatali kwekutulamu.

Baabadde ku woteeri ya Graceland Hotel e Bbunga gye bamaze wiiki nnamba  mu lusirika lw’okutema empenda okubunyisa engiri ya Yesu ereetawo enjawulo ennungi eri ba nnayuganda bonna.

Omusumba Robert Kayanja ow’ekkanisa ya Miracle Center, akubirizza abakulistaayo bonna  okukolaganira awamu mu kubunyisa engiri ya Yesu,  kubanga bonna ba luganda abatasaanidde kusosolagana kubanga buli omu y'esanga ng’alina oluganda mu nzikiriza endala.

Ono yabadde omugenyi omukulu mu kuggalawo olusirika luno, agambye nti, obuweereza bwe balimu nga ba nnaddiini ssi bwabwe, wabula bwa Katonda oyo eyabayita okuweereza abalala, n'abasaba okubukola n’emitima gyabwe gyonna,.

Canon Eric Kasirye ow’obusabadinkoni bw’e Luteete eyawomye omutwe mu lusirika luno agambye nti, olukung'aana luno lw’abanaddiini abeegattira mu kibiina kya Ecumenical Evangelical Forum ekikulemberwa ssabadinkoni Kasirye yeenyini, okugezaako okunnyikiza okubuulira engiri okulaba nti etuuka ku buli muntu mu bitundu byonna eby’eggwanga.

Lwetabiddwaamu abaawule okuva e Nebbi, Kasese, Lira, ne Buganda, abakatoliki omwabadde Fr. Moses Baviba okuva mu kigo ky’e Monde mu Luweero, Rev. Nelson Wairagala ow’e Luzira n’abalala, n’abalokole abaakulembeddwaamu omusumba Kayanja, luno lumaze ennaku ttaano nga luyinda ku woteeri ya Grace Land e Bunga.

More From The Author

Emboozi z’omuwandiisi endala

Emboozi endala

Sheikh Mulindwa ng'asaaza Idd e Luweero.

'Gavumenti eyalayidde erwan...

Sheikh Mulindwa ku muzigiti gw'e Kasana Luweero. Ba Samuel Kanyike           DISITULIKITI Khadi wa Luweero,...

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...