TOP

Omutuuze asobeddwa ku bamwokera ebintu

Added 3rd May 2018

Omutuuze asobeddwa ku bamwokera ebintu

ABANTU abatannategeerekeka baalumbye amaka g’omutuuze, David Matovu ow’e Nyanama ne bookya mmotoka ye. Kino kyeraliikirizza aba famire ne basaba poliisi ebawe obukuumi. Matovu agamba nti, abazigu baasooka kumulumba ku ntandikwa y’omwaka guno ne bateekera ennyumba ze ez’abapangisa ezisangibwa e Nyanama omuliro, era emizigo ebiri gyonna ne gisaanawo. “Ensonga nazikwasa poliisi.

Mbadde nkyali ku kya kwokya nnyumba zange ate abazigu baakomyewo mu kiro nga April 18, 2018 ne balumba ekkolero lyange erya Morgan erikola ebizigo ne ssabbuuni. Baasanzeewo emmotoka yange ekika kya Noah UAQ 664A ne bagiteekera omuliro yonna. Abadduukirize abaalabye omuliro nga gutuntumuka be batuzuukusizza ne tukubira poliisi eyayanguye okujja n’eguzikiza.

Neewuunya emmotoka okukwata omuliro kuba emmotoka nali ngisimbye mu luggya okumala ennaku bbiri nga sigivuga, ne nsoberwa ekyagiviirako okukwata omuliro. Emyaka egisoba mu 10 gye mmaze e Nyanama, sirinamuntu gwe nninako mpalana wadde mu mirimu, naye kirabika waliwo omuntu antambulirako.kubanga omuliro guno gulaga nga mutegeke bulungi, ate gwonna gukwatira mu ssaawa ze zimu, ssaawa 7:00 ez’ekiro. “Ndi mu kweraliikirira kuba ayokya ebintu byange ajja ssaawa ze zimu, 7:00 ogw’ekiro” Matovu bwe yagambye.

Abdu Nasser Hidujja, akulira ebikwekweto ku poliisi e Kabowa yagambye nti, bali mu kunoonyereza abali emabega w’ebikolwa bino bakwatibwe bavunaanibwe.

Yagambye nti waliwo abantu ab’enjawulo abaggyiddwaako sitatimenti omuli n’abapangisa ba Matovu bayambeko mu kunoonyereza. “Twagguddewo emisango egy’enjawulo ku fayiro SD: 24/19/04/18 , singa tunaazuula abeenyigira mu kikolwa kino baakukangavvulwa mu mateeka” Hidujja bw’agambye.

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...