TOP
  • Home
  • Amawulire
  • Kadaga alaajanidde Abazungu ku muwendo gw'abanoonyi b'obubudamu abakyayiika mu Uganda

Kadaga alaajanidde Abazungu ku muwendo gw'abanoonyi b'obubudamu abakyayiika mu Uganda

Added 6th May 2018

SIPIIKA Rebecca Kadaga ategeezezza nti Uganda yetaaga obuyambi bw’ensimbi okuva ebweru kigisobozese okulabirira abanoonyi b’obubudamu okuva mu mawanga amalal abayiika wano buli kaseera.

 Kadaga

Kadaga

Uganda erimu abanoonyi b’obudaamu akakadde kamu n’emitwalo 30. Ku bano akakadde kamu bava South Sudan,ng’abalala b’e Congo, Somalia , Burundi n’ewalala.

Kyokka era (Uganda) yakkirizza okwongera okuleeta muno abanoonyi b’obubudamu abaalala Yisirayiri beeyagala okweggyako.

Kisuubirwa nti December 2018 w’anaatuukira abanoonyi b’obubudamu bajja kuba bakununkiriza mu bukadde bubiri.

Wabula sipiika eyabadde asisinkanye ekibinja ky’abakungu okuva mu kibiina ky’amawanga amagatte yagambye nti amawanga g’ebweru gawaana Uganda olw’ekisa ekingi eky’okulabirira abanoonyi b’obubudamu, kyokka yeetaaga okwongera okuyambibwa kuba ne bannansi nabo beetaaga okulabirirwa ng’ensimbi n’ebikozesebwa ebirala ebiriwo tebimala.

Yagambye nti Uganda etandise okwewola ssente okusobola okulabirira abanoonyi b'obubudamu abeeyongera buli lukya.

Abakungu abaasisinkanye Kadaga mu Kampala baavudde mu bitongole by’ekibiina ky’amawanga amagatte okuli; UNDP, UNOPS, UNICEF , UNFPA, WFP, ne UN women.

Abakungu bano bali mu Uganda okulaba engeri ebitongole byabwe gye biyambye enkulaakulana mu Uganda.

Kadaga yagambye nti enguudo  ezimu zoonoonese olw’ebimotoka ebyetikka obuyambi nga bibutwalira abanoonyi obubudamu so nga ebyalo ebimu byetaaga nnayikonto n’amazzi amalungi olw’abantu abangi ababirimu nga muno mw'otwalidde n’abanoonyi b’obubudamu.

Kyokka yeebazizza ebitongole ebigaba obuyambi olw’okuyamba Uganda mu ngeri ezitali zimu omuli okulwanyisa enkyukakyuka z’embeera z’obudde.

Eyakulembedde ekibinja kino, Mw.  Jagdish Koonjul, yeebazizza Uganda olw’okulabirira abanoonyi b’obubudamu n’asaba Uganda obutaggala nsalo zaayo kugoba abanoonyi b’obubudamu kuba kirabise bagenda kweyongera.

 

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...