TOP
  • Home
  • Amawulire
  • Gav't yeewoze obuwumbi 120 okulwanyisa omuze gw'okukuba abakazi n'abaana

Gav't yeewoze obuwumbi 120 okulwanyisa omuze gw'okukuba abakazi n'abaana

Added 10th May 2018

GAVUMENTI erambuludde mu bujjuvu engeri gy’egenda okukozesaamu obuwumbi 120 z’egenda okwewola ebweru ziyambe mu kulwanyisa ebikolwa by’obutabanguko mu maka naddala okutulugunya abakazi n’abaana.

Minisita w’eggwanga ow’ekikula ky’abantu,  Peace Mutuuzo ategeezezza nti ssente zino tezigenda kukoma ku kulwanyisa bikolwa bya butabanguko mu maka byokka wabula  n’okulondoola embeera z’abakozi ku mirimu.

Mutuzo eyabadde n’omuwandiisi w’enkalakkalirira mu Minisitule y’ekikula ky’abantu, Pius Bigirimana yagambye bannamawulire mu Kampala  nti disitulikiti 13 ezigenda okuganyulwa mu nkola eno ng’ezimu ku zo kuliko; Wakiso, Mukono, Masaka, Kamuli, Kamwenge, Kabalore, Aleptong, Zombo n’endala.

Ssente zigenda kuggyibwa mu bbanka y’ensi yonna  era nga zaakuyamba okutumbula embeera z’abakyala  n’abaana mu bitundu omuli enkulaakulana ey’omuggundu okugeza omukolebwa enguudo n’okuzimba ebizimbe eby’okumukumu.

Ng’oggyeeko okulwanyisa obutabanguko mu maka, ensimbi zigenda kuyamba mu kubudaabuda abatuusiddwaako obutabanguko okugeza; abaana n’abakazi abakakiddwa omukwano.

Zigenda kuyamba n'okutumbula empeereza ya poliisi ku misango gy’okutulugunya abantu mu maka, okugula n’okutendeka abakugu mu kukung’anya obujulizi bw’emisango gy’abatuusiddwaako ebikoloberero mu maka, okutereeza empeereza y’amalwaliro agali ku ddaala ly’amaggombolola gasobola okukola obulungi ku batuusiddwako okutulugunyizibwa, n’okutendeka abavunaanyizibwa ku mbeera z’abakozi n’abaana mu disitulikiti 13 ku ngeri y’okulondoola abatyoboola eddembe lyabwe.

Poliisi 13 zigenda kussibwawo mu disitulikiti 13 n’okuweebwa ebikozesebwa mu kulondoola abatulugunya abantu mu maka, abawala n’abalenzi abawanduse mu masomero olw’okutulugunyizibwa abawera 1,404 bagenda kutendekebwa mu bintu ebitali bimu ebibayamba okweyimirizaawo, abasawo 148 bagenda kutendekebwa mu by’okujjanjaba  n’okubudaabuda abatuusiddwaako ebikolobero, abapoliisi 10,000 bafune okutendekebwa okwenjawulo mu nsonga zino n’ebirala.

Mutuuzo yawakanyizza ebigambibwa nti bbanka y’ensi yonna ye yakase Uganda okwewola ssente zino n’agamba nti obwetaavu bw’okulwanyisa ebikolwa bino weebuli.

More From The Author

Emboozi z’omuwandiisi endala

Emboozi endala

Kizza Senninde

Bba wa minisita Rosemary Se...

ZEFANIYA Kizza Senninde nga ye bba wa minisita omubeezi ow'ebyenjgiriza ebisookerwako, Rose Nansubuga Senninde...

Abamu ku baagala okufuna tikiti nga balwanira ku kitebe kya NUP.

Aba Bobi Wine bayomba lwa l...

OLUTALO luzzeemu ku kitebe ky’ekibiina kya Bobi Wine ekya National Unity Platform e Kamwokya nga luva ku lukalala...

Liverpool eyagala Mbappe

OKUZIMBA ttiimu ejojobya Bulaaya, omu- tendesi wa Liverpool, Jurgen Klopp abikwasizza maanyi.

Bashemera n’abaana be. Okuloota ng’ofunye omulimu mu nsi z’ebweru n’ogugaana kitegeeza ki? Nze Gift J e Makerere. Kikulabula obutalowoolereza mu bintu ebiri

Muggya wange yatta bbaffe n...

OKUFA kwa baze kwankuba wala katono ngwe n’eddalu. Abasawo baakola kya maanyi okumbudaabuda n’okunzizaamu essuubi...

Bobi Wine (wakati) lwe yali ne Latif Ssebaggaka (ku kkono) ne Chameleone (ku ddyo).

Kitegeeza ki Latif okuva mu...

LATIF Ssebaggala okuva ku kuvuganya ku kifo kya Loodi Meeya kiddiridde enteeseganya z’abavuganya Gavumenti ne bakkaanya...