TOP

Baleppuka na gwa kuwamba na kutta muntu

Added 21st May 2018

ABANTU abagambibwa okuwamba omuwala ate ne basaba ssente ne bamutta babakutte.

Hasifa Nyakayisiki metulooni w’essomero lya Twawil Muslim P/S e Kyengera - Mugongo ye yakwatiddwa poliisi y’e Katwe n’agambibwa okuba muganzi we Richard Ndawula omuvuzi wa bodaboda ku siteegi y’e Kabowa.

Kigambibwa nti bano beenyigidde mu kutta omuwala Charity Kyohairwe eyali ava okusaba mu kkanisa ya Synagogue of All nations eya Kakande e Mulago (ku Bbiri).

Okukwatibwa kyaddiridde Charity Kyohairwe okuttibwa omulambo ne bagusuula mu lusuku lw’omutuuze e Nalunkolongo - Kabaawo zooni mu Munisipaali y’e Lubaga ate abatemu ne bakubira abooluganda lwa Kyohairwe nti bakime omulambo gwabwe kasita ssente baali baziweerezza!

Ettemu lino lyaliwo mu kiro ekyakeesa Olwokutaano nga March 2, 2018. Omulambo gwali gusibiddwa ekyayi mu bulago ate ne gusobezebwako ne gulekebwa nga gubambiddwa.

Abatemu baakubira aba famire ya Kyohairwe nga bakozesa essimu nnamba 0783449547 kwe baalagira aba famire okusindikako ssente obukadde 2 n’ekitundu. Kyokka ate abatemu baddamu ne bakuba nga bategeeza aba nti nga bwe baali bakolaganye ne poliisi, omuntu waabwe bamusange e Mulago.

Poliisi ng’eyabimbwako aba CMI ababadde bakuuma Nyakayisiki okuva mu March lwe baamukwata, baateeberezza nti yandiba n’akakwate ku ba ADF.

Poliisi bwe yafuuzizza omuzigo gwa Nyakayisiki n’ezuula essimu eyaweerezebwako ssente n’egitwala ng’ekizibiti.

NYAKAYISIKI ANNYONNYODDE

Nyakayisiki yategeezezza nti waliwo omuvubuka ayitibwa Ndawula eyamuleetedde essimu nga waliwo mukwano gwe eyagimuwadde agimuleetere ku ssomero.

NDAWULA AYOGERA BIRALA

Kyokka Ndawula yagambye nti Nyakayisiki yamukubira essimu nti waliwo omuntu eyali agenda okusisinkana amuwe ssente emitwalo 50 okumpi ne ppaaka empya era bwe yamusisinkana yamuwa ssente n’azireetera Nyakayisiki era yeewuunya ate ensonga eyabadde emukwasa.

BASIMBIBWA MU KKOOTI

Nyakayisiki ne Ndawula ku Lwokutaano baasimbiddwa mu kkooti e Makindye, omulamuzi Christine Nantege n’abasomera omusango gw’okuwamba omuntu n’okutta omuntu oguli ku fayiro nnamba CRB 487/2018 n’abagaana okubaako kye boogera kuba emisango egibavunaanwa gya nnaggomola egiwulira kkooti enkulu.

Baasindikiddwa ku limanda e Luzira okutuusa nga June 5, 2018 lwe banadda mu kkooti.

More From The Author

Emboozi z’omuwandiisi endala

Emboozi endala

Poliisi ng'eri e Ssembabule okukkakkanya abalonzi ba NRM mu kamyufu gye buvuddeko

Abantu 45 be baafiiridde mu...

ABANTU 45 be bafiiridde mu buzzi bw’emisango obubaddewo wiiki ewedde obulese abalala 33 mu makomera.

Robert Kyagulanyi Ssentamu

DPP yeddizza omusango gwa K...

KKOOTI eggye enta mu musango gw'okulimba emyaka, munnamateeka Hassan Male Mabiriizi gweyawaabira omubaka wa Kyadondo...

Gav't etaddewo obukwakkuliz...

GAVUMENTI etegeezezza nti abasuubuzi abaagala okuddamu okusuubula ebintu ebiva n'okutwaliribwa mu mawanga g'ebweru...

Minisita w'Ebyensimbi Kasaija ne Byarugaba akulira NSSF nga boogera

Bannayuganda muve mu kwejal...

MINISITA w'ebyensimbi Matia Kasaija alabudde Bannayuganda bave mu kwejalabya batereke ssente ezisobola okubayamba...

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...