TOP
  • Home
  • Agebwelu
  • Assad avudde mu Russia n'atimpula abamuyeekera

Assad avudde mu Russia n'atimpula abamuyeekera

Added 22nd May 2018

PULEZIDENTI Hafez al Assad avudde mu Russia ng’alinga aliko ekimuwujja n’akuba bubi abayeekera abawagirwa Amerika okukkakkana ng’abagumbuludde okuva mu kitundu by’e al-Hajar al-Aswad mu bukiikaddyo bw’ekibuga ekikulu Damascus.

 Putin ne Assad

Putin ne Assad

PULEZIDENTI Hafez al Assad avudde mu Russia ng’alinga aliko ekimuwujja n’akuba bubi abayeekera abawagirwa Amerika okukkakkana ng’abagumbuludde okuva mu kitundu by’e al-Hajar al-Aswad mu bukiikaddyo bw’ekibuga ekikulu Damascus.

Assad yeewunguddeko n’ava mu Syria ku Lwomukaaga n’agenda kipayoppayo e Russia gye yasisinkanye munywanyi we Vladimir Putin mu kibuga Sochi ne beevumba akafubo akeetabiddwaamu bagenero ab’enjuyi zombi.

Olwavudde e Russia ku Ssande, Assad yabadde ng’omuwendule, olw’amaanyi n’obusungu bwe yakozesezza mu lulumba ssinziggu lwe yakoze ku bayeekera abawagirwa Amerika.

Yawadde ekiragiro amagye ge ne gakuba buli kiramu nga beeyambisa emmundu ezikuba emizinga n’ebikompola.

Okulwana kafungulankete kwalese abayeekera abasoba mu 120 nga bafu n’abalala nga 350 nga batuusiddwaako ebisago eby’amaanyi n’ebizimbe bingi nga biri ku ttaka.

Abajaasi ba Gavumenti ya Assad baalabiddwa nga bayisa ebivvulu bawanika emmundu ng’akabonero k’obuwanguzi n’okuyimba ennyimba nga beeyozaayoza.

Abalondoola olutalo bategeezezza nti abayeekera ba Islamic State baawanise ne basalawo okwewaayo kyokka ttivvi y’eggwanga e Syria yabijunguludde n’etegeeza nti okulwanagana kwabadde kukyagenda mu maaso.

Wakati mu kulwanagana okw’amaanyi, amagye ga Syria geddizza ebitundu okuli, al-Hajar al-Aswad n’ebitundu ebyetoolodde enkambi y’Abapalasitina ababundabunda e Yarmouk gye babadde baagobwa abayeekera omwezi oguwedde.

Okusindiikiriza abayeekera okubagoba mu bitundu mwe babadde bamaamidde, kabeera kabonero ka buwanguzi eri Pulezidenti Bashar al-Assad.

Kitutte ekiseera kya mwezi mulamba ng’amagye ga Syria galwana okwezza ebitundu bino era kati Assad alina w’assiza ku mukka. Ekitundu abayeekera kye babadde bamaamidde kikwatagana n’ensalo ez’amawanga nga Iraq, Turkey ne Jordan.

Newankubadde nga kikyali wabweru w’ekitundu Gavumenti ya Assad ky’erinako obuyinza naye tekigaana Assad kujaganya.

Assad aludde ng’akola ennumba z’ennyonyi n’asesebbula enfo z’abayeekera kyokka nga nabo bagaanyi okuwaayo obuyinza eri Assad.

Ekitongole ky’amawulire ekya SANA kyategeezezza nti abayeekera baasinze kubakuba nga badduka okusala okugenda e Hajar al Aswad ekitundu ekirimu ebizimbe ebingi nga banoonya okwekweka.

Ekibiina ekirwanirizi ky’eddembe ekya Syrian Observatory for Human Rights kyategeezezza nti abayeekera bwe baategedde nti Assad akaaye ne baddusa famire zaabwe.

More From The Author

Emboozi z’omuwandiisi endala

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...